VOV4.Jarai-Ƀơi mông jơnum lăi pơthâo čih tơlơi pơhing tơđar lok blan 2, Kơ-iăng Khua Ding jum ia jrao, ơi Đỗ Xuân Tuyên brơi thâo: Ding jum anai pơkra hơdră akŏ bruă brơi tlâ̆o vaccine Covid 19 kơ čơđai mơ̆ng 5-11 thun hăng lăi pơthâo kơnuk kơna. Khua dêh čar hăng laih anun ăt hơmâo laih Hră pơtrun tŭ ư blơi vaccine tlâ̆o kơ čơđai mơ̆ng 5-11 thun hăng mrô 21 klăk liêu, brơi kơ 11 klăk 900 rơbâo čô čơđai, djop 2 arăt.

Laih tơña anŏ kiăng mơ̆ng amĭ ama čơđai sang hră mơ̆ng 5-11 thun, 78% mrô amĭ ama čơđai sang hră hnưr anai tŭ ư brơi tlâ̆o vaccine pơgang klin Covid 19 kơ čơđai muai. Gir run amăng blan 3 anai, ba glăi 7 klăk liêu vaccine pơgang Covid 19 mơ̆ng anom bruă Pfizer/BioNTech pioh tlâ̆o kơ čơđai mơ̆ng 5-11 thun.

Nay Jek: Pơblang