VOV4.Jarai - Tlam lơ 28/6, Khua mir sir ơi Nguyễn Xuân Phúc nao pơhmư̆ mông lơphet hơdor glăi 50 thun akŏ pơjing kông ti pơkra jrao Việt Nam hăng jao Miđai mă bruă mrô I brơi Kông ti. Pơ ala brơi khua mua Ping gah, Kơnuk kơna, Khua mir sir lăng yôm, pơpŭ bơni hơdôm tơlơi dưi mơng kông ti pơkra jrao Việt Nam hăng hơdôm anom bruă ding kơna amăng rơbêh 50 thun laih rơgao, pơgôp amăng gơnong bruă pơkra pơjing ia jrao Việt Nam hăng bruă bơwih brơi tơlơi suaih pral brơi mơnuih ƀon sang. Yôm hloh lĕ hơdôm tơlơi gum pơgôp yôm phăn amăng bruă ngă hơđong nua jrao, pơhlôm pơplih, djop djuai, mrô jrao, pơhlôm klă hloh hăng bơkơnar amăng bruă sĭ mơdrô, pơjrao brơi mơnuih ƀon sang; ngă tui klă hloh bruă jao amăng djă pioh, sĭ mơdrô jrao amăng lŏn ia. Ƀơi anăp kơ lu anih khăm pơjrao amăng đơ đam dêh čar dŏ kơƀah jrao hăng gơnam gah ia jrao, Khua mir sir ơi Nguyễn Xuân Phúc rơkâo Kơnuk kơna hăng gơnong bruă ia jrao kiăng pơsir hĭ bruă anai. Khua mir sir lăi nao tơlơi sit nik, jang jai hơmâo 41 boh tơring čar, ƀôn prong kơƀah jrao, gơnam gah ia jrao.

Siu Đoan: Pơblang