167 bôh rơđeh glung, rơdêh wưh hăng 3 ƀĕ gai jra pơhrăm rơbat hăng abih bang nua ñu rơbêh kơ 323 klăk prăk dưi ƀơk brơi kơ 189 čô mơnuih ƀu klă drơi jăn amăng tơring čar Daklak. Anai lĕ jơlan hơdră hmâo tơhnal khăp păp ană mơnuih dơlăm, djru mơnuih ƀu klă drơi jăn hmâo gơnam yua nao rai, gêh gal hloh amăng tơlơi hơdip rim hrơi.

Tơring čar Daklak ră anai hmâo năng ai ñu 78.000 čô mơnuih ƀu klă drơi jăn, amăng anun hmâo 22.236 čô mơnuih glăk čơkă mă tơlơi pơgang ba mơnuih mơnam. 5 thun rơgao, Khul ia jrao kyâu bơrơkal mriah tơring čar hmâo pơsur laih, gum hrom ƀơk brơi hmâo 589 bôh rơdêh glung, rơdêh wưh kơ mơnuih ƀu klă drơi jăn. Bruă ngă anai amra dưi hmâo hơdôm gưl Khul pok pơhai dong pơ̆ anăp anai, kiăng djru lu mơnuih ƀu klă drơi jăn yak rơgao tơlơi tơnap amăng tơlơi hơdip mơda./.