Khul ơi ia jrao hlăk ai tơring čar Dak Lak ră anai hmâo 16 grŭp hăng giăm truh 1.000 čô mơnuih lĕ ƀing ơi nai ia jrao hlăk ai glăk mă bruă ƀơi hơdôm bôh sang ia jrao, anom ia jrao mơ̆ng tơring čar truh tơring glông hăng hơdôm bôh sang ia jrao mơnuih ƀôn sang amăng tơring čar.
Amăng 5 thun rơgao, hơdôm gưl khul nai, ơi ia jrao hlăk ai amăng tơring čar hmâo laih lu bruă mă gum djru yua kơ tơlơi suaih pral mơnuih mơnam kah hăng: pơphun 120 tal hyu pel ĕp tơlơi ruă, lăi pơthâo brơi tơlơi suaih pral, pha brơi ia jrao kơ 86.000 čô mơnuih ƀôn sang hăng mrô prăk rơbêh kơ 4 klai 200 klăk prăk; pơhrăm brơi bruă pơjrao pơhlôm hlâo kơ hơdôm rơbâo čô nai pơtô čơđai ƀơi hơdôm bôh sang hră čơđai muai, gưl sa amăng đơ đam tơring čar. Amăng rơwang bruă phrâo, Khul ơi ia jrao hlăk ai tơring čar Dak Lak ngă tui dong bruă pô hăng bôh thâo mơ̆ng rim mơnuih hluai tui hơdôm jơlan hơdră pơhrăm, hrăm tui, pơđĭ tui pran jua klă hiam; ngă tui tơlơi pơčeh phrâo amăng kơsem min bôh thâo phrâo hăng pơtrut kơtang bruă mă gum djru yua kơ tơlơi suaih pral mơnuih mơnam./.
Viết bình luận