VOV4.Jarai - Lơ 22/4, Jơnum min mơnuih ƀon sang tơring čar Dak Lak hơmâo tơlơi pơtrun kơ bruă brơi pơdơi hĭ anih pơjrao pơjrao mơnuih ƀă klin mrô 1 (ƀơi anih dŏ čơđai sang hră Cao đẳng sư phạm Dak Lak). Anih pơjrao mơnuih ƀă klin mă bruă dong mơng akŏ blan 8/2021, hăng 1.000 boh sưng. Amăng hrơi blan mă bruă, anih pơjrao anai hơmâo pơjrao brơi giăm 10 rơbâô čô mơnuih ƀă klin Covid-19.

Hăng tơlơi pơsit brơi pơdơi mă bruă, Jơnum min mơnuih ƀon sang tơring čar Dak Lak jao Khul git gai anih pơjrao mơnuih ƀă klin mrô 1 gum hrŏm hăng gơnong bruă ia jrao hăng hơdôm anom bruă bơdjơ̆ nao pơgiong hră pơ-ar; laih dong ngă tui hơdôm hơdră kiăng pơhlôm agaih rơnăk, pruih ia jrao pơgang klin kman, jao glăi gơnam tam kơ sang hră Cao đẳng sư phạm Dak Lak kiăng kơ sang hră tŏ tui bruă pơtô hrăm.

Siu Đoan: Pơblang