Ƀơi mông tŭ jum, Kơ-iăng khua dêh čar ơi Trần Hồng Hà lăi rơđah, Kơnuk kơna hăng mơnuih ƀôn sang Việt Nam lăng yôm tơlơi gơgrong bruă mơ̆ng WHO amăng bruă git gai, pơtruh hăng abih bang gah bruă ia jrao, lăng ba tơlơi suaih pral mơnuih ƀôn sang. amăng djŏp bruă mă, hơdră djru gah ia jrao, wai lăng tơlơi suaih pral ƀơi Việt Nam lêng kơ hơmâo tơlơi gum hrŏm, pơtô brơi, djru brơi mơ̆ng ƀing khua, ƀing kơhnâo WHO.

Lăi nao tơlơi yôm mơ̆ng anom bruă ia jrao pơgang pơhlôm hlâo, sang ia jrao wai lăng tơlơi suaih pral blung a, pơgang klin tañ, mơ̆ng ataih, Kơ-iăng khua dêh čar ơi Trần Hồng Hà lăi rơđah, Việt Nam čang rơmang WHO djru hơkrŭ kjăp glăi anom bruă anai; pơsit rơđah tơlơi kiăng, bruă kiăng ngă, mơnuih bruă mă.