VOV4.Jarai - Gơgrong pơgang brơi tơlơi ruă kă kơ ƀing čơđai amăng bơyan hơjan hlim anai, gơnong bruă ia jrao tơring čar Kon Tum hơmâo git gai anom bruă pơgang tơlơi ruă kă hăng hơdôm sang ia jrao ƀơi ƀon lan kơtưn amăng bruă pôr pơhing, lăi pơthâo brơi abih bang kơ tơlơi hŭi rơhyưt mơng sa, dua tơlơi duam ruă ƀuh ƀơi ƀing čơđai. Hrŏm hăng anun hluai tui bruă pôr pơhing amăng loa, rơdêh đuăi hyu amăng plơi pla, ba hyu hră pơ-ar, tôl áp phích, čih tơlơi pơhing amăng facebok, zalo… črâo brơi mơnuih ƀon sang thâo kiăng pơgang tơlơi duam ruă brơi ƀing čơđai.

Ơi ia jrao ƀơi Sang ia jrao prong tơring čar Kon Tum nao khăm hăng črâo brơi bruă pơgang tơlơi duam ruă

Truh ră anai tơring čar Kon Tum, mrô čơđai duam ruă hrŏ trun pơhmu tui tơđar thun hlâo, sit biă ñu ruă ƀam ƀong tơkai tơngan mơbah hrŏ trun 37 čô, đet drơi jăn hrŏ trun 53 čô …Samơ̆, tui tơđar 3 thun ha wŏt, thun 2022 him lăng amra hơđuh đĭ duam đông drah amăng tơring čar Kon Tum.

Siu Đoan: Pơblang