Ơi ơi ia jrao Nguyễn Hữu Thâm, Khua anom bruă dăp hơdră phun, Sang ia jrao pơjrao ruă mơta tơring čar Kon Tum lăi, mơ̆ng akŏ blan 9 truh ră anai, pơkă dưm dưm rĭm hrơi hơmâo 20 čô mơnuih ruă mơta nao pơkă lăng hăng pơjrao ƀơi sang ia jrao, lu biă mă ñu čơđai muai hăng čơđai sang hră.
Tui hăng tơlơi pơtă mơ̆ng anom bruă ia jrao, kiăng pơhlôm, pơgang ruă mơta bơnga tă lĕ, khom rao tơngan re se hăng ia čơƀu; anăm ñir mơta, mơdung hăng čơđeng, tơngan ôh; anăm mă yua akhăn, bơnal yua hrŏm mơnuih pơkŏn, mơnuih ruă mơta ôh; khom pơrơgoh na nao ƀô̆ mơta, amăng mơdung hăng ia hra arăng pơjing laih hơmâo sĭ pơ sang ia jrao pioh črač mơta, amăng mơdung; mă yua ia čơƀu ƀâo ƀudah ia pơrơgoh kman, khom añrŭ akhăn hăng ia jrao pơdjai kman, anăm jĕ giăm mơnuih ruă mơta ôh hŭi ƀă kơ ta.
Viết bình luận