VOV4.Jarai - Hăng sa tơring čar amra hmâo klin djơ̆ čut kra tưp mut, ngă tui tơlơi črâo ba hăng pơtô ba mơng Ding jum ia jrao, gơnong bruă ia jrao tơring čar Kontum hmâo gơgrong hlâo pok pơhai hơdôm bruă pơsir bŏng glăi hăng pơgang hlôm hlâo. Ngă tui tơlơi pơtô ba mơng Ding jum ia jrao, gơnong bruă ia jrao tơring čar Kontum hmâo kơtưn laih bruă lăng tui kiăng thâo tañ hơdôm mơnuih djơ̆ čut kra. Hrom hăng anun pơdŏng bruă pơsir, mă drah hăng dô̆ čơlah lơm hmâo mơnuih ƀă djơ̆ klin. Hăng hơdôm mơnuih đing đăo djơ̆ tơlơi ruă lĕ, ƀirô mă bruă ia jrao amra tañ pơsir anih klin ngă hăng mơ-ĭt drah ba nao pơ̆ Anom kơsem min klin ruă Dăp Kơdư pơčrang lăng kiăng hmâo bôh tơhnal tañ hloh. Ơi ia jrao chuyên khoa II Đỗ Ngọc Hòa, Kơ-iăng Khua Gơnong bruă ia jrao tơring čar Kontum brơi thâo, tơring čar amra hmâo tơlơi klin djơ̆ čut kra tưp, Gơnong bruă ia jrao tơring čar Kontum pơsit khom gơgrong hlâo bŏng glăi hăng ngă klă mơng bruă pơgang hlôm hlâo mơtăm./.

Siu H’ Prăk: Pơblang