VOV4.Jarai - Tơlơi pơhing mơng Gơnong bruă pơtô juăt tơring čar Kontum lơ 2/3/2022 brơi thâo gơnong bruă glăk hmâo 3.078 čô čơđai sang hră hăng nai pơtô lĕ F0. Rơđah biă ñu amăng mrô anai hmâo 416 čô mơnuih apăn bruă, nai pơtô čơđai, mơnuih mă bruă hăng 2.662 čô čơđai lĕ F0. Amăng anun gưl 2 lĕ gưl hmâo lu F0 hloh hăng 1.302 čô čơđai, ƀiă biă mă ñu lĕ gưl čơđai anet 256 čô. Ră anai khă hmâo truh 3.078 čô čơđai sang hră hăng nai pơtô F0, samơ̆ abih bang hơdôm anih anom pơtô juăt ƀơi tơring čar ăt glăk ngă tui hơdră pơtô ƀơi sang hră mơn pioh kơ abih bang gưl hrăm hăng mrô čơđai nao hrăm lĕ 86%. Mrô sa dua čô mơnuih pơplih pơtô pơhrăm lăng nao rai mơng ataih kiăng pơgang hlôm hlâo klin ruă. Bôh nik ñu brơi ƀuh bruă wai lăng jơlan lar tưp klin ruă Covid-19 ƀơi hơdôm bôh sang hră ƀơi tơring čar Kontum, biă ñu kual djuai ania ƀiă glăk bưp lu tơlơi tơnap./.

Siu H’ Prăk: Pơblang