VOV4.Jarai-Tơring čar Lâm Đồng pơtrut kơtang bruă tlâ̆o vaccine pơgang Covid 19 wơ̆t amăng hrơi tơjuh hăng hrơi pơdơi pơdă phrâo rơgao. Ră anai, Lâm Đồng dŏ hơmâo năng ai 130 rơbâo arăt jrum ia jrao vaccine aka ƀu tlâ̆o. Bĕ hĭ hơdôm vaccine anai hŭi abih hrơi blan pơkă, tơring čar Lâm Đồng pơtrun hiăp kơ anom bruă ia jrao tơring čar brơi lăi pơthâo djop sang bruă pơdjơ̆ nao khom tañ tlâ̆o abih hĭ ia jrao vaccine pơgang Covid 19 kơ mơnuih ƀôn sang, wơ̆t amăng hrơi tơjuh ƀudah hrơi pơdơi pơdă hai. Amăng anun pơtum nao brơi tlâ̆o kơ čơđai mơ̆ng 5-12 thun, ngă giong bruă tlâ̆o arăt jrum tal 3 kơ mơnuih mơ̆ng 12 thun pơngŏ hăng arăt tal 4 kơ mơnuih ƀôn sang mơ̆ng 18 thun pơngŏ....

Lâm Đồng hlăk kơtưn brơi tlâ̆o vaccine pơgang Covid 19 kơ čơđai muai

Pơhlôm djop tlâ̆o vaccine pơgang Covid 19 anai ngă giong hlâo kơ lơ 15/9 pơ anăp. Tui hăng ơi Nguyễn Văn Bôn, Kơ-iăng Khua anom bruă ia jrao tơring glông Đơn Dương, Lâm Đồng, hơmâo ƀiă mơnuih ƀôn sang dŏ hŭi amăng bruă brơi čơđai tlâ̆o vaccine pơgang Covid 19, yua kơ anun anom bruă hlăk ngă hrom gong gai kơnuk kơna pơyŭ pơphun brơi lu grup hyu pơtô lăi, pôr pơthâo djop plơi pla kiăng jak iâu mơnuih ƀôn sang tlâ̆o pơgang.

Nay Jek: Pơblang