VOV4.Jarai - Dong mơng akŏ thun truh ră anai, tơring čar Gia Lai hơmâo rơbêh 6.400 čô mơnuih duam ƀơi 287 anih lar hyu duam đung drah ƀơi hơdôm boh să, phường, tơring kual; hơmâo laih 1 čô mơnuih djai. Amăng blan 9 laih rơgao, mrô mơnuih duam đung drah lu tui, hăng rơbêh 2.400 čô.

Mơnuih duam đung drah glăk pơjrao ƀơi sang ia jrao plơi prong Pleiku

Hơdôm boh ƀon lan phrâo hơmâo mơnuih duam đung drah lĕ tơring glông Đăk Pơ, plơi prong Pleiku, tơring glông Krông Pa…. hơdôm sang ia jrao hơmâo pơkiăo nao nai ia jrao kiăng pơhlôm kơ bruă khăm pơjrao brơi mơnuih duam đung drah. Tui gơnong bruă ia jrao Gia Lai, tơring čar him lăng mrô mơnuih duam đung drah amra đĭ lu tui amăng blan 9 hăng 10 yua anai lĕ bơyan hơjan hlim ngă keč čeh čar. Gơnong bruă ia jrao git gai hơdôm anom bruă đing nao pok pơhai akŏ bruă wai pơgang hăng pơjrao brơi mơnuih duam đung drah mơng ƀon lan.

VOV Tây Nguyên/Siu Đoan: Pơblang