VOV4.Jarai - Klin Covid-19 pioh glăi truh 203 tơlơi ruă pơglăi, amăng anun juăt ñu ruă jơlan suă jua. Anun lĕ tơlơi pơhing hơmâo lăi nao ƀơi mông Jơnum boh thâo pơjrao tơlơi ruă tơdơin covid-19 hăng hơdră pơmut hrŏm ia jrao đưm hăng ia jrao rơnuk anai tal blung a hơmâo Khul Đông Y Việt Nam pơphun mơguah lơ 30/3, ƀơi Hà Nội. Hrơi blan rơgao, Khul Đông Y Việt Nam hơmâo mă yua lăng hơdră pơjrao tui đưm kơ 900 čô mơnuih ruă Covid-19 mơng hrơi blung a phrâo ruă. Pô ruă anet hloh 3 thun, prong hloh lĕ 90 thun. Boh than ba glăi ƀu hơmâo pô hlơi ruă kơtang ôh. Mơng tơlơi pơjrao mă yua hrŏm ia jrao đưm hăng ia jrao rơnuk anai kơ ƀing ƀă Covid-19, Nai prin tha Trần Quốc Hùng, Khua sang ia jrao prong Pơjrao hăng ia jrao akha Hà Nội lăi: hơdôm tơlơi ba glăi anai amra djru kơ Khul Đông Y Việt Nam pơsit djơ̆ hrŏm hơdră pơjrao brơi ƀing ruă Covid-19 hăng ia jrao rơnuk đưm hăng rơnuk anai.

Siu H’Mai: Pơblang