VOV4.Jarai - Tui hăng Khul git gai dêh čar kơ bruă pơsur pơyơr drah, thun 2022, đơ đam dêh čar gir run tŭ mă 1 klăk 480 rơbâo anung drah; mrô mơnuih nao pơyơr drah tui pran hor dưm dưm 99%; mrô mơnuih pơwŏt glăi pơyơr drah lok glăi mơng 50% truh 53%; abih bang mơnuih nao pơyơr drah dưm dưm 1,5%. Kơ-iăng khua Khul kyâo bơrơkal mriah Việt Nam Trần Quốc Hùng brơi thâo, kiăng kơ dưi ngă tui hơnong pơkă amăng pơyơr drah hăng tŭ mă 1 klăk 480 rơbâo anung drah amăng thun 2022, Khul kyâo bơrơkal mriah Việt Nam - Anom bruă amăng Khul git gai dêh čar amăng pơsur pơyơr drah hơmâo git gai Khul kyâo bơrơkal mriah djop gưl hơmâo akŏ bruă lăp djơ̆ hăng tơlơi kiăng mơng djop gưl, djop gơnong bruă; gum hrŏm hăng khul grup tŭ mă drah pơyơr pơkă hrơi mông nao pơyơr drah hăng tŭ mă drah pơyơr brơi bơkơnar amăng thun. Blung hlâo lĕ pok pơhai klă jơlan hơdră “Hrơi pơyơr drah mriah” thun 2022.

Siu Đoan: Pơblang