Anai lĕ tơlơi lăi pơthâo amăng jơnum klah čun bruă pơyơr drah thun 2023 hăng pok pơhai bruă jao thun 2024 yua Khul git gai dêh čar pơsur pơyơr drah pơphun. Thun 2023, đơ đam dêh čar hơmâo pơtrut pơsur, dưi mă rơbêh 1,55 klăk anung drah, dưm dưm 110% tui mrô pơkă, pơgôp drah jôr brơi hơdôm rơbăn čô mơnuih duam ruă glăk kiăng drah amăng đơ đam dêh čar.

Tui Khul git gai dêh čar pơtrut pơsur pơyơr drah, boh than ba glăi anai lĕ yua tơlơi đing nao git gai na nao mơng gưl Ping gah, gong gai; gum hrŏm hăng hơdôm gơnong bruă, anom, bruă, khul grup; tơlơi gir run mơng Khul git gai pơyơr drah djop gưl hăng sit biă ñu lĕ tơlơi dong yua, mut hrŏm mơng abih bang mơnuih.