-Pơrơgoh kman hăng ia jrao pơdjai kman juăt ƀuh laih kah hăng gêt pơčrač ia bơbrui arăng pơkra laih hlâo; ƀudah mă ia jrao rao sang juă glai hnong 5% Sodium Hyboclorit tui hnong pơkă, 10 ml ia jrao rao sang juă glai lŭk hăng 1 lit ia ƀlăng, kiăng hơmâo ia jrao dưi pơdjai kman virus; ƀudah ia jrao hơmâo 0,05% clo along; ƀudah ia jrao hơmâo boh ƀiă 70% ia ăngkôl. Lŭk ia jrao kơnong djop mă yua abih sa hrơi. Tơdơi kơ pruih ia jrao pơdjai kman boh sui ñu truh 10 mơnit anăm nao giăm anih pruih ia jrao.

-Brơi pơdjai kman hăng hơdră mă bơnal akhăn sut uă, samơ̆ tơngan hrôm hăng hruh tơngan kơsu, gôm ƀô̆, lơ̆m ta pruih ia jrao pơdjai kman.

-Pơ mơta juăt djơ̆ hơƀak jrak, khom rao rơgoh hăng ia čơƀu laih anun ia rơnoh hlâo kơ pruih ia jrao pơdjai kman.

-Pruih ia pơdjai kman boh ƀiă sa hrơi sa wơ̆t hơdôm anih kah hăng atur sang, pơnăng sang, kơƀang grê, gơnam yua djă apăn djơ̆ hăng tơngan, gơnam yua pah djơ̆ amăng sang mơnơi, sang juă glai.

-Pruih ia jrao pơdjai kman boh ƀiă 2 wơ̆t sa hrơi hăng anih juăt djă apah djơ̆ re se na nao, kah hăng gai djă apăn bah amăng sang, akŏ rơñan bê, rơñan đĭ trun amăng sang lu tal, anŏ djă apăn ƀơi adring sang, boh nŭt gư̆ rơñan măi, kông tak apui lơtrik, hơnăl tơčoh boh hră măi komputer, remote tivi anŏ gư̆ kơtit mơ̆ng ataih, măi telephôn djă hyu, măi telephon yua hrom. Djop mơta gơnam yua, kông tak pok hăng pơdjai apui lơtrik hlâo kơ mă yua pruih ia jrao pơdjai kman ƀơ̆i.

-Mă dưm djop kơthung djah thu, djah mơsah, mă yua ia ăngkôl ngă rơgoh kơthung djah.

-Duñ rơmet hĭ djah djâo rĭm hrơi djơ̆ anih pơkă.

Tơlơi pơtô anai mơ̆ng Ding jum Ia jrao.

Nay Jek: Pơblang