VOV4.Jarai-Mơguah lơ 14/9, ƀơi sang bruă khua ding jum pơtom hiăp hơmâo jơnum tŭ mă 1, 5 klăk gêt ia jrao vaccine AstraZeneca pơgang Covid yua Kơnuk kơna Prang hăng Italia djru kơ Việt Nam, kơnang kơ hơdră COVAX. Pơhiăp ƀơi mông jơnum, Kơ-iăng Khua ding jum, ơi Tô Anh Dũng bơni hăng lăng yôm biă tơlơi djru anai laih anun hmao kru mơ̆ng Kơnuk kơna dêh čar Prang hăng Italia, djru yôm biă mă kơ bruă pơgang klin Covid 19 ƀơi Việt Nam.

Anai lĕ kơnôl brơi ƀuh tơlơi ngă giăng mah tŭ yua mơak klă kơplah wah Việt Nam hăng Prang laih anun Italia amăng hơdôm thun rơgao ăt kah hăng kah pơpha djru nao rai tơdruă amăng mông tơnap tap kiăng găn rơgao hĭ klin kheng prong. Kơ-iăng khua ding jum ia jrao, ơi Trần Văn Thuấn lăi pơtong, amra pơpha tañ ia jrao vaccine anai kơ djop tơring čar hăng tañ mă yua ba glăi boh tơhnal klă hiam hloh.

Nay Jek: Pơblang