VOV4.Jarai- Jing mơnuih ngă nai pơtô glăi pơdơi abih thun laih, ngă hrom bruă mă djru mơnuih mơnam [ơi plơi pla, hăng kơnuih hiam arăng pơpu\, yua `u hur har amăng bruă mă, tơlơi gơgrong ba, met Y Bhơi Niê pơ plơi Ea Yông A, să Ea Yông, tơring glông Krông Pa], tơring ]ar Daklak hơmâo lu mơnuih [on sang plơi pla iao gah je\ giăm thâo krăn hăng pơpu\ biă mă, yua ngă tha plơi ba gru hlâo, “Sa ]ô nai pơtô hrăm hră kơ plơi pla Êđê tơpă”.

          Dong mơng hrơi pơdơi lơtret abih thun bruă, ngă nai pơtô do\ pơ plơi pla, rơbêh 10 thun hăng anai, met Y Bhơi Niê, hơmâo mơnuih [on sang amăng plơi, đăo kơnang, gong gai kơnuk kơna ăt tu\ yap mơn, ruah `u ngă bruă kah hăng ding kơna gru\p mơnuih pơtrut pơsur tơlơi hrăm hră, Khul mơnuih tha rơma să Ea Yông, Khoa wai lăng djop djuai ania mơnuih mơnam plơi Ea Yông A, ding kơna sang bruă wai lăng djop djuai ania mơnuih mơnam tơring glông Krông Pa]. Thun anai, `u 72 thun laih, pran jua do\ găng a`răng đô], `u hur har ngă bruă pơtô lăi mơnuih [on sang thâo hluh jơlan hơdră ping gah, tơlơi phiăn kơnuk kơna laih anun ngă tui djơ\ tơlơi pơtrun; jak iâu ană plơi amăng [on thâo gum pơgop nao rai, djru pơđ^ kyar tơlơi bơwih [ong huă, ako\ pơdong plơi pla phrâo, gleng nao kơ khul ană bă, ană amôn hrăm hră pơ-ar…Met Y Bhơi Niê lăi: “R^m wơ\t [ing ding kơna gah anom bruă wai lăng djop djuai ania mơnuih mơnam Việt Nam tơring glông jak iâu jơnum, kâo brơi ană bă pơgiăng nao, jơnum pơ]rông sai hăng adơi ayong pơ anun. Ngă hrom bruă mă djru mơnuih mơnam, kâo pơtă pơtăn kơ ană tơ]ô khom gir run hrăm hră hăng ngă tui gru hiam pran jua Hồ Chí Minh, khom hrăm hră truh kih, jing mơnuih ba jơlan hlâo, mă bruă tơpă abih pran jua kơ ană plơi pla, abih pran jua kơ lo\n ia, bơwih brơi kơ mơnuih [on sang.

            Jing mơnuih tha plơi, khoa gru\p pơsir kơđi amăng plơi pla, sit hơmâo tơlơi amăng plơi pla, dong mơng tơlơi luh hla kyâo pơtâo, ta juăt lăi tơlơi djai bru\, tơlơi bơdjơ\ sao nao rai anet amăng sang ano\, plơi pla, truh kơ tơlơi tơdăm dra taih amang tơdroă đơ đa, `u soh yơh pô nao pơsir, ngă bơmơak h^. Pơtô lăi ană amôn khom hrăm hră triăng, thâo pơ rơnôm; pơtô brơi sang ano\ tơnap tap amăng plơi hơdră bơwih [ong huă phrâo, kiăng hơđong tơlơi hơdip mơda, hrưn đ^ găn rơgao tơlơi tơnap tap; jak iâu pơtô lăi lu krop rơkơi bơnai djop sang ano\ khom thâo tơkeng ană hui, [ă ană [iă djơ\ hơdră kiăng hơmâo tơlơi hơdip mơda klă hiam hloh…djo\p bruă `u ngă ba glăi tu\\ yua soh, yua kơ ngă bruă hăng abih pran jua, tơlơi khăp, pơpu\ nao rai hăng ană plơi pla anun yơh ană plơi pla khăp pơpu\ kơ `u mơn. Hăng tơlơi thâo hluh lu, hơmâo kơnuih hiam, met Y Bhơi Niê pơtô lăi, mơnuih [on sang đăo gưt soh. Ơi Y Bông, pơ plơi Ea Yông A, să Ea Yông, tơring glông Krông Pa] brơi thâo: “Ơi Y Bhơi mă bruă hur har biă mă hăng ană plơi, bruă pơpă tơnap tap `u ăt nao truh, amăng mông jơnum ană plơi, `u pơtô lăi ană plơi pla, pơtô kơ ană bă gir hrăm hră. Hơmâo tơlơi hơge\t yom le\, ană plơi nao tơ`a kơ `u soh.

            Lăi nao kơ tha plơi met Y Bhơi Niê, ơi Trần Trọng Bắc, Kơ-iăng khoa git gai ping gah să Ea Yông, tơring glông Krông Pa], pơpu\ hăng lăi, anun le\ sa ]ô “nai pơtô hrăm hră kơ plơi pla Êđê tơpă” biă mă, `u lăi: “Nai Y Bhơi le\, sa ]ô mơnuih thâo luă gu\ laih anun hơmâo kơnuih hiam hing ang amăng plơi. Nai djru hrom bruă kơ mơnuih [on sang hur har biă mă. R^m wơ\t hơmâo bruă kơ ană plơi pla, gơmơi lêng kơnang kơ `u soh jak iâu, pơtô lăi pơtrut pơsur tơlơi bơwih [ong huă, pơgang tơlơi rơnuk rơnua kơ plơi pla, pơgang tơlơi gum pơgop nao rai djop djuai ania. Nai hur har gum djru gơmơi ngă pơgiong bruă jao”.

            Hơdôm bruă mă hiam klă mơng met Y Bhơi Niê hơmâo djru hrom tơlơi hơdip mơda mơnuih [on sang Êđê [ơi Ea Yông, dưi mơak klă hơđong na nao, tơlơi bơwih  [ong huă pơđ^ kyar, pơtrut tui bruă lo\m lui h^ tơlơi pơluk mơgu ngă yang rơmang djă hla tơpa gai đưm đă…Phrâo anai, met Y Bhơi Niê hing ang dưi ruah jing mơnuih arăng đăo kơnang ba gru hlâo amăng kual }ư\ siăng, yua kơ anom bruă khoa git gai kual }ư\ siăng ruah đ^ hăng pơpu\ bơni; pơphun brơi nao ]uă ngui pơ bul pơtâo Trường Sa, kiăng pơtrut pran jua thâo gum pơgop djuai ania, pran jua khăp kiăng, yua kơ sa boh lo\n ia Việt Nam pơlir hơbit laih anun pơđ^ kyar.  

 Nay Jek: Pô ]ih hăng pôr