1. Đảng lơh gơs ai ngui uă Nghị quyết kuơ màng mut lơh Nghị quyết pơrjum dờng dơ\ 12

Nam 2018, Đảng he lơh gơs  ai ngui uă Nghị quyết nàng kờ` mut lơh ngan ngồn ală kơnòl broă kuơ màng mờ Pơrjum dờng dơ\ 12 bơh Đảng neh ai tơlik, geh gơnoar broă kuơ màng gơ wèt mờ bơta bơtàu tơnguh kơ\ kơl jap bơh dà lơgar dê, lơh gơ dờp uă ngan, jrô ơnàng ngan tus mờ kuang bàng, cau geh Đảng mờ làng bol.

Kuơ màng, tàm Pơrjum dơ\ 7, dà lơgar neh ring bal Nghị quyết “bè tơrgùm bơt bơtàu mpồl kuàng bàng ală kấp, ngan là ală kấp kuang bàng, tơl bơta pràn jak mờ bơta pin dờn, drờm bal mờ kơnòl broă”; Pơrjum dà lơgar dơ\ 8 ai ngui Kơrnoat “Kơnòl broă jờng rơ ală kuang bàng cau geh đảng, lài ngan là Ủy viên Bộ Chính trị, Ủy viên Ban Bí thư, Ủy viên Ban Chấp hành dà lơgar”; Pơrjum dà lơgar dơ\ 9 rơndap tap sèng Ban Chấp hành Đảng dà lơgar, tơngai lơh broă bơh nam 2021- 2026; dơ\ sơn rờp dà lơgar lơh ai sră đùh pin dờn gơ wèt mờ ală kuang bàng Ủy viên Bộ Chính trị, Ban Bí thư.

2. Quốc hội mờ Chính phủ tam gơl pa uă gùng dà broă lơh, tơl^k kơrnoăt sồr mờ đơng lam pha lin uă broă kuơ màng dà lơgar

Mờ gùng dà broă bơ\t bơtàu dùl Chính phủ bơceh pa, song dơ pă, lơh broă mờ drơng làng bol, tàm nam pa do, Thủ tướng bal mờ ală Phó Thủ tướng, ală kuang bàng tàm Chính phủ chồl pràn broă bơ\t bơtàu mờ lơh gơs thể chế, bơsong kal ke, lơh niam sră nggal, hòi jà bơcri priă tàm lơgar mờ lơgar bơdìh, chồl pràn tơnguh bơtàu lơh sa mpồl bơtiàn mờ drơng tơnguh rài kis làng bol.

Dơ\ sơnrờp Quốc hội sồr Chính phủ yal cồng nha 3 nam lơh jăt ală Nghị quyết bơh Quốc hội bè broă tơnguh bơtàu lơh sa mpồl bơtiàn, broă bơ\t bơtàu wơl lơh sa, bè priă jền dà lơgar, bơcri priă dà lơgar di mơ tơngai. Broă sền gròi bal bơh broă lùp mờ hơ jơnau lùp mờ broă “lùp mhar, hơ di pal”; ală dơ\ pơrjum Quốc hội, Uỷ ban Thường vụ Quốc hội mùl màl lơh tòm, ndrờm bal, geh cồng nha; lơh jăt broă ai sră tơnpồ pin dờn mờ ală groăt geh Quốc hội pồ ha là k^ tơnpồ.

3. Mu\t lơh geh cồng nha jơnau kờ` 2 dơ\: gàr niam kơ\ kơl jăp lơh sa dờng, mờ sơlơ tơnguh lơh sa, GDP gùt nam lơh geh rơlao 7%

Tềng đap bơta đơng lam bơh Đảng, mờ bơta đơng lam krà` bơh Chính phủ, nam 2018, lơgar he mut lơh lơh geh mờ sơrlèt 12 broă lơh bơtàu tơnguh lơh sa- mpồl bơtìan.

GDP lơh geh 7,08%, là khà jơnhoa ngan rlau jơh tàm mờr 10 nam do. Uă bơta pràn ndai kung geh crơng gơs, bè bơta prap pria\ lơgar ndai, tăc phan mờ lơgar ndai, khà tăc phan hờ lơgar ndai uă rlau mờ khà blơi phan bơh lơgar ndai… pal đơs ngan là, bulah tơnguh lơh sa uă, Việt Nam kung gàr niam bơta kơ\ kơl jap lơh sa dờng mờ broă gàr niam gơtùi jơnau kờ` bè khà ngui phan ngui sa (CPI), hoàc huơr kes priă dà lơgar, drà kă bro chứng khoán kơ\ kơl jap.

4. Tổng Bí thư Nguyễn Phú Trọng geh Quốc hội pồ at gơnoar broă Chủ tịch lơgar

Mờ khà sră pồ ring bal mờr jơh tơn, tàm pơrjum dơ\ 6, ală kuang bàng Quốc hội khoă 14 neh pồ Tổng Bí thư Nguyễn Phú Trọng at gơnoar broă Chủ tịch lơgar Cộng hòa xã hội chủ nghĩa Việt Nam.

Do là broă Chính trị kuơ màng, di pal mờ jơnau kơ\p kờ` bơh cau te\ khà bal mờ làng bol gùt lơgar. Tàm bơta tu\ do, mờ broă lơh di pal bal mờ bơta kờ` mùl màl, broă Tổng Bí thư at gơnoar broă Chủ tịch lơgar geh ai bơta [uơn tàm broă đơng lam broă tàm lơgar mờ broă lơgar bơdìh, geh kuơ dà lơgar in, pơgồp bal tàm broă tơnguh bơngă lơgar Việt Nam tàm dunia.

5. Quốc hội ki\ Hiệp định lơh broă bal tơl ală bơta mờ gơguh jak gùt Thái Bình Dương (CPTPP),  lơgar he pơn jăt tai mut gơ rờm bal dunia tơl làm mờ jrô ơnàng

Ngai 12/11/2018, Quốc hội ring bal Nghị quyết ki\ Hiệp định CPTPP bal mờ ală sră nggal gơ rềng bal.

Jat Bộ Kế hoạch mờ Đầu tư, CPTPP digơlan dong GDP mờ tăc phan mờ lơgar ndai bơh lơgar Việt Nam dê tus nam 2035 tơnguh drờm mờ  1,32% mờ rlau 4%.

Broă ring bal CPTPP tơngo\ jơnau pơrgon krà` bơh lơgar Việt Nam dê rcang lài mờ lơh ngan mut gơ rờm bal dunia, tàm hơ\ mut gơ rờm bal lơh sa dunia là kuơ màng ngan, tus bal mờ ală tiah kă bro khat gơboh mờ ală Hiệp định kă bro khat gơboh rài pa, pơn jat tai sơlơ tơnguh bơtàu tơnguh lơh sa- mpồl bơtìan bơh dà lơgar dê jat ală jơnau kờ` dunia.

6. Lơgar Việt Nam bơyai lơh geh cồng nha pơrjum lơh sa dunia bè ASEAN nam 2018

Pơrjum lơh sa dunia bè ASEAN nam 2018 (gam sơnđan là WEF ASEAN 2018) mờ jơnau yal “Kăc màng lơh sa mờ măy mo\k 4.0 là rơnàng tơnơ\ do ASEAN dê” hòi jà geh broă sền gròi kuơ màng bơh mpồl bơtiàn dunia.

Lơgar Việt Nam neh geh jơnau bơceh bơ\t bơtàu broă pơgồp bal bè nùs nhơm kơlôi sơnơng, bè broă tam gơl pa mờ bơceh pa bơh ASEAN mờ pơrjum lơh sa dunia.

Ală kuang bàng tus pơrjum đơs niam ală jơnau ai bơh lơgar Việt Nam dê, tàm hơ\ geh jơnau ai ASEAN lơh tòm, bơ\t bơtàu ală kơrnoăt ASEAN tàm broă tam pà bal dữ liệu, crơng gơs broă pơgồp bal ală nùs nhơm bơceh pa dà lơgar bal mờ mpồl kơlôi sơnơng jơh gùt tiah do… cau tòm bơceh pa jơnau mờ kung là Chủ tịch pơrjum lơh sa dunia ồng Klaus Schwab đơs, Pơrjum lơh sa dunia bè ASEAN nam 2018 là broă lơh geh cồng nha ngan tàm 27 nam bơyai lơh pơrjum do.

7.  Broă lơh rcang sơn dră, sa kuề sa kùa, tàm dră mờ ală bơta ờ niam geh ai lơh uă ngan. Uă kuang bàng dờng màng gơtìp lơh glài.

 “Ờ geh tiah kơryan” “ ờ geh cau bơdìh” mờ “ ờ geh mù ờ do ờ dă” – lơh ngan chính trị pràn kơl dang, lơh krà` mờ loh làng bơh Đảng, dà lơgar dê, lam bồ là Tổng Bí thư, Chủ tịch lơgar ồng Nguyễn Phú Trọng geh gùt Đảng, gùt làng bol, gùt ling klàng kờ` mờ lơh jat. Uă kuang bàng dờng màng tàm ală Bộ, gah sơnah lơh broă, tàm ală tiah kờp bal ală kuang bàng neh rlô jơh sơnam lơh broă halà gam tàm tơgai lơh broă gơtìp lơh glài nền nòn bè Đảng, gơnoar atbồ mờ geh bal lơh glài ku\p jàm.

Tàm 3 nam do, geh rlau 60 nă kuang bàng gơ wèt dà lơgar atbồ neh gơtìp lơh glài, tàm hơ\ geh 4 nă Ủy viên Đảng dà lơgar gam tàm nam at gơnoar broă (3 nă kuang bàng gơtìp tơlik bơh Ban Chấp hành đảng dà lơgar).

Nam 2018, Đảng mờ Dà lơgar lơh glài uă kuang bàng dờng màng, ờ uă kuang bàng là cấp tướng tàm kuang àng mờ ling klàng.

8. Pơrlồm tàm pơrlòng jơh bơsram cấp 3 dà lơgar nam 2018; geh ờ uă hìu bơsram ờ tơl bơta niam ờ do ờ dă

Broă geh ală kuang bàng lơh broă tàm gah bơto bơtê mờ bơsram tàm càr Hà Giang, Sơn La, Hoà Bình… sơmòm, lơh tam gơl điểm tàm pơrlòng jơh bơsram cấp 3 dà lơgar lơh gơbàn ờ niam tus mờ gùt mpồl bơtiàn.

G^t nđờ rơhiang jơnau pơrlòng neh geh lơh wơl điểm mờ khà tơnguh uă ngan ai tơl jơnau pơrlòng mờ ală broă lơh ndơ\p ngan. Geh uă jơnau pơrlòng bơh 1 điểm gơguh tus 8, geh tu\ tus 9 điểm.

Bal mờ broă pơrlồm pơrlòng den broă tam lơh tàm hìu bơsram pơn jăt tai là broă kal ke bơh gah bơto bơtê mờ bơsram dê. Ală broă moăt ngan do geh tơnguh jơnau yal lài bè ală bơta ờ sền gàr nền nòn tàm gah bơto bơtê mờ bơsram bè kờ` geh cồng nha gời, broă ờ sền gròi nền nòn bơh ờ uă kuang bàng, cau pơgru, cau mè, cau bèp kơnòm bơsram.

9. Trồ tơngai ờ niam, aniai trồ tiah gơlik geh nisơna lơh aniai uă ngan tus mờ uă gah, sơnah lơh broă, ală tiah mờ mpồl lơh broă

Aniai trồ tiah bè lơh sa pơgap 20.000 tơmàn priă, lơh 218 nă cau chơ\t mờ roh thit. Mìu dờng ờ mìng lơh ngơr bam dà blàng sre mờ gam lơh uă gơl gùng tàm [òn drà tàm ală tiah drà dờng ngan rlau jơh tàm gùt lơgar bè: Hà Nội, Đà Nẵng, [òn dờng Hồ Chí Minh, Khánh Hòa… 

Bơbàn ngơr jrô dà mờ gơkram tàm dà. Pồ nhai 9/2018, mìu dờng dà ko\ dà cò neh lơh uă càr tàm tiah Tây Bắc gơtìp tàm cah is, tơrlah gùng lòt, gùng lòt gơkòl uă ngan.

Bơh ală broă do pà go\, bơdìh mờ jơnau gơbàn tài bơh trồ tiah lơh aniai den “ aniai bơh kòn bơnus” kung geh dùl bơnah kuơ màng. Gơ wèt mờ ală [òn dờng, tơngo\ ală bơta ờ jai uă ngan tàm broă rơndap tap sèng tiah drà, ngan là bơta tơlik dà.

10. Coh plai lơgar Việt Nam geh cồng nha niam mờ bơta tơngo\ bơh ồng Park Hang Seo bal mờ cồng nha bơh đah coh plai jăk chài

Nam 2018 mùl màl là dùl nam geh cồng nha niam ngan bơh đah coh plai lơgar Việt Nam dê mờ 3 dơ\ tàm châu lục bal mờ tiah do: Mpồl coh plai lơgar Việt Nam ơm khà dơ\ dùl tàm dơ\ pơrlòng coh plai Đông Nam Á (AFF Suzuki Cup) tơnơ\ 10 nam kơ\p gơn; mpồl coh plai Olimpic lơgar Việt Nam ơm dơ\ 4 tàm dơ\ coh plai ASIAD 2018; mpồl coh plai U23 lơgar Việt Nam geh pơnrơ ngan mờ khà ơm dơ\ 2 tàm dơ\ pơrlòng coh plai U23 châu Á bơyai lơh tàm Thường Châu, lơgar Lo.

Cồng nha bơh mpồl coh plai lơgar Việt Nam geh tơngo\ uă ngan broă lơh bơh ồng Park Hang Seo, neh ai geh nùs nhơm kơ\p kờ`, nùs nhơm tam klăc bal mờ geh uă nùs nhơm pơn yờ să dà lơgar dê tus mờ g^t nđờ jơ\t tơlăk nă cau lơgar Việt Nam.

Cau mblàng Ndong Brawl – K’ Hạnh