VOV4.K’ho- Mờr 15 lồ brê tàm bă brê bơh Công ty Trách nhiệm hữu hạn Một thành viên Lâm nghiệp Quảng Sơn, tàm kơnhòal Dak Glong, càr Dak Nông dê atbồ pa gơtìp bol kol kơl aniai brê lam koh kơl jơh, chu ồs sa jơh bal mờ jơnau kờ` là ai ù nàng lơh sa.

Bulah ală cau koh kơl brê neh gơtìp ku\p nàng lùp khàu, mơya jơnau geh lùp là bơh tài broă do geh lơh ờ ndơ\p mpồn tu\ bă brê gơtìp koh kơl mìng gơ ơm ngài mờ anih atbồ sền gàr brê rlau 1 kơi sồ lơm?

Broă do geh sền go\ tàm ngai 6 nhai 2 nam 2018 tu\ Ủy ban Nhân dân xã Quảng Sơn mờ ală gah lơh broă geh gơnoar lòt sền khoảnh 1, tiểu khu 1680 là bă brê bơh Công ty Trách nhiệm hữu hạn Một thành viên Lâm nghiệp Quảng Sơn dê atbồ.

               Dak Nông tu\ sền go\, brê neh gơtìp koh kơl jơh mờ lơ òr ù nàng rơcang tam chi jo\ nam

Geh pơgăp 10 nă cau gam ngui rơnđòt xang, yoas mra pès chi che mờ khòm, tơrgùm chu, lơ òr ù khòm tơrgùm bă brê gơtìp koh kơl bơh lài. Bơdìh hơ\ tai, mpồl lơh broă geh gơnoar sền go\ 7 bă brê ơm rềp bal bơh bă 25 tus bă 59 gơ wèt khoảnh 1, tiểu khu 1680 pa gơtìp koh kơl bal mờ kờp jơh bă brê gơtìp koh kơl là 14 lồ 8 sàu. Kuang bàng kiểm lâm neh ku\p 2 nơm rơnđòt xang, 3 nơm yoas mra pès chi che ru\ rơm, lơh sră nggal tiah gơtìp koh kơl brê, mờ ku\p jàm ing 5 nă cau.

Bă brê gơtìp koh kơl jơh ù tiah kung gơlơh ring sơl, ù tiah nđiơm gơs ngan mờ gơ ơm jrô tàm gùl brê, mìng gơ ơm ngài mờ anih atbồ sền gàr brê pơgăp rlau 1 kơi sồ lơm. Ală cau koh kơl brê neh koh kơl jơh mờ chu ồs sa jơh 15 lồ brê.

Pơgăp 2/3 bă brê gơtìp koh kơl neh geh lơ òr jơh, rơcang ai broă sih tam phan. Tàm do, uă hìu kù mờ geh tơl phan sa, dà hùc bal mờ ală bơta phan pal geh drơng tàm broă sàu sa, ơm rlô ai gi\t nđờ jơ\t nă cau in. Dùl sươn ờng ing gam ờng sơntìl kơphê. Bi Y Lý, Kuang àng xã Quảng Sơn, kơnhoàl Dak Glong, pà gi\t:

Bă brê gơtìp koh kơl là uă ngan. Ală anih lơh broă geh gơnoar neh tus lơh broă tàm do den neh sền go\ bă brê gơtìp koh kơl bè do. Geh tu\ là ală cau koh kơl brê neh ai bal rơndeh lơ òr nàng lơ òr ù. Den tơngai lơh, dilah jat tàm bă brê gơtìp koh kơl do den pal jơh rlau 1 nhai mơya đah Công ty ờ go\ kơryan gờ`”.

Gơrềng tus broă do, Kuang àng kơnhoàl Dak Glong neh yal yă dơ\ lơh tìs, ku\p mhar cau tờm lam bồ là ồng Phan Thành Nghĩa, deh nam 1966, ơm tàm xã Quảng Sơn. Mờ pa do neh ku\p jàm tai 5 nă cau gehg gơrềng nàng lùp khàu bè broă lơh aniai brê. Ồng Đinh Minh Tuấn, Kuang atbồ Kuang àng xã Quảng Sơn, pà gi\t:

Tiah koh kơl aniai brê geh wơl dùl anih sền gàr atbồ brê tềng hơ\. Bơta yal tơngi\t đah mpồl cau tờm brê mờ gơnoar atbồ xã ờ hềt geh lơh di tu\. Bă brê gơtìp koh kơl là rlau 10 lồ geh lơh tàm tơngai jo\ jòng ngan mờ ờ go\ di là 1, 2 ngai ờ. Bơta do loh làng là cau tờm brê ờ hềt lơh kơh kơnòl. Tus tu\ anih lơh broă geh gơnoar tus lơh broă kơryan den hơ\ sồng yal mờ lài hơ\ ờ go\ geh yal dùl êt lơi bè bơta do”.

Ală gah lơh broă geh gơnoar tàm kơnhoàl Dak Glong gam tơrgùm lùp khàu uă dơ\ lơh tìs, lơh loh ală cau lam lơh, tus bal tàm dơ\ koh kơl aniai brê. Mơkung lơh loh broă lơh broă ờ jơh kơnòl, geh sơl halà ờ broă dong kờl bơh ală kuang bàng atbồ mờ sền gàr brê dê.

Ồng Lê Quang Dần, Phó Giám đốc Sở Nông nghiệp mờ Phát triển nông thôn càr Dak Nông pà gi\t, Sở neh sồr Chi cục Kiểm lâm lơh sră nggal broă do, pơgồp bal mờ anih lơh broă kuang àng lùp khàu, lơh loh kơnòl geh gơrềng bơh ală gah dê, nàng lơh geh wơl bơta rơndăp tăp sèng, lơh jat niam adat boh lam tàm broă lơh atbồ mờ sền gàr brê:

Tơngai lài, Sở, Chi cục jơh nùs ngan lơh jat jơnau sồr kràn cê jơh nùs ngan bơh Tỉnh ủy, Ủy ban Nhân dân càr dê tàm broă lơh geh wơl bơta lơh jat adat boh lam tàm broă lơh atbồ mờ sền gàr brê. Lời gơlik geh  ală broă bè hơ\ bol a` ờ go\ niam nùs ngan, tu\ broă gơlik geh neh ai mpồl kiểm lâm pơgồp bal mờ anih lơh broă geh gơnoar lơh glài krà` ngan.

Mpồl bơtiàn gam pin wil wơl, geh sơl halà ờ broă cau tờm brê dong kờl ai bol koh kơl aniai brê in tàm Quảng Sơn? ~chi gơlơh bulah mìng ơm ngài mờ anih atbồ sền gàr brê mìng 1 kơi sồ lơm mờ gi\t nđờ jơ\t lồ brê gơtìp koh kơl jơh, koh kơl rồ ù dùl bă chài ngan mờ geh rơndăp tăp sèng nàng ai ù lơh sa?

Cau mblàng mờ yal tơngit Lơ Mu K’Yến