VOV4.K’ho – Bộ Nông nghiệp mờ Phát triển Nông thôn neh bơyai lơh Pơrjum lơh jat Nghị định bơh Chính phủ dê bè broă lơh tam klac lơh sa, tac phan lơh gơs bơh suơn sre mờ Quyết định bơh Thủ tướng Chính phủ dê bè bơtàu tơnguh 15 rbô hợp tác xã, mpồl tam klac hợp tác xã lơh sa suơn sre geh cồng nha tus nam 2020.

Đơs đơng lam pơrjum, Phó Thủ tướng Vương Đình Huệ đơs là, tơnơ\ uă broă lơh ngan bơh ală kấp, gah broă lơh, tiah lơh sa mpồl cau, hợp tác xã dê, tus tu\ do, neh jơh bơta ờ niam, ờ pràn jo\ jòng, sơn đờm geh bơta bơtàu tơnguh niam, tă pơgồp tàm GDP 5,6%.

Mờ bơta bơtàu tơnguh bè tu\ do, digơlan gơtùi lơh geh jơnau kờ` bơh nam 2020 dê là geh 15 rbô hợp tác xã. Phó Thủ tướng sồr pal bơsong broă atbồ ờ krà`, tài mờng chài tềng lơi geh kấp ủy, gơnoar atbồ sền gròi den tềng hơ\ geh srơh niam. Bal mờ hơ\, pal pleh broă lơh hành chính rồn bơ klơn, pleh jơnau kờ` geh cồng nha, bơsong bơta tơmut nàng gơ in tơl khà bơtàu tơnguh hợp tác xã nàng geh dờp [òn lơgar pa.

                Cau mblàng K’Duẩn