VOV4.K’ho- “Broă sền gròi sa tềp bơhiàn ai cau lơh broă in bơh Mpồl Công đoàn dê sùm geh lam lơh wil tơl jăt nùs nhơm ờ gŏ di lời cau đoàn viên, cau lơh broă lơi ờ geh sa tềp. Tàm dơ̆ sa tềp bơhiàn dà lơgar Nhâm Dần nam do, broă lơh sền gròi sa tềp lam lơh tơrgùm tàm kấp hơđơm, bal mờ kờp jơh priă tă sền gròi ai đoàn viên cau lơh broă in pơgăp 2 rbô 400 tơmàn đong ai bơh bơnah priă prăp pềr bơh công đoàn dê”.

Do là jơnau yal tàm pơrjum ƀăo bơh Tổng Liên đoàn Lơh broă Việt Nam dê bơyai lơh mho ngai 02/12 tàm Hà Nội. Mờ tơngume “Sa Tềp bơtòm tơrgùm- Sơnam pa lơngăp lơngai”, broă lơh sền gròi sa tềp ai đoàn viên, cau lơh broă in nam do geh ală kấp công đoàn bơyai lơh tơrgùm uă tàm ƀòn lơgar mờ kấp hơđang tờm kấp hơđơm dê (Tiah lơh sa mờ măy mok, tiah lơh gơlik phan tăc mờ lơgar ndai, tiah lơh sa), tàm ală mpồl lơh sa kă bro, tiah geh gal đoàn viên, cau lơh broă.

  Cau mblàng Lơ Mu K’Yến