Tàm pơrjum, ală cau ala mat neh kờp sền nền nòn ngan ală jơnau pal geh, rơndap tap sèng, mpồl cau jat jơnau cih bơh adat boh lam dê, ring bal cih mat 19 nă cau geh tơl ală bơta jat jơnau sồr nàng tơlik mat tĕ khà cau ala mat Quôk hội khoă XVI mờ 141 nă cau geh tơl bơta nàng tơlik mat tĕ khà cau ala mat Mpồl duh broă Làng bol càr. Tàm dơ̆ jàu mat, 2 gah neh sền sơ wì, tàm pơn drờm sră nggal Pơrjum cribơyai dơ̆ 3, mat cau tơlik mat tĕ khà; lam lơh kĭ hơ, jàu sră nggal di mờ broă rơndap lơh. Broă jàu là bơnàng jă kuơmàng ngan nàng Anih duh broă Tĕ khà càr pơn jat tai lam lơh ală broă pơn jat tai bơh broă lơh tĕ khà dê, gàr bơta loh làng, song dơpă, di adat boh lam, drơng broă lơh rơcang tĕ khà tàm càr in.