Thủ tướng ồng Phạm Minh Chính sồr 2 lơgar pơn jat tai ai lài rề ơnàng, lơh niam ală tiah lơh sa mờ măi mok đah Việt Nam mờ Singapore (VSIP) jat broă lơh rài pa, pơgồp bal lơh sa mờ măi mok mờ broă drơng ala, măi mok pa mờ tiah drà brê bơnơm; lơh ngan geh 30 VSIP tàm nam 2026.

Bàr gah ring bal chồl pràn lơh broă bal sền gàr dà lơgar – lơngăp lơngai, rơcang lài kơryan cau tìs gan dà lơgar, gàr tiah ơm kis ring lơngai, kơnhăp kơ̆ ai bơtàu tơnguh in; sơlơ tơnguh tai lơh broă bal bơto bơtê, bơtàu tơnguh cau lơh broă, ngan là mpồl đơng lam kâp dờng; rề ơnàng priă dong kờl bơsram ai Việt Nam in mờ sơlơ tơnguh tai tìp mat lơh kwèng làng bol. Thủ tướng Singapore ồng Lawrence Wong nting bơr gờm chờ cồng nha Pơrjum dờng dơ̆ XIV bơh Đảng Kộng sản Việt Nam dê, đơs nền pin dờn tàm bơta pràn, kơp kơnờm gơguh lơh sa bơh Việt Nam dê mờ hơ pơrgon pơn jat tai rề ơnàng bơcri priă.