Jat jơnau yal, tus ngai 10/2, càr Gia Lai neh lơh sir broă lơh tơnggơs Mpồl Sồr lơh mờ Anih duh broă Tĕ khà càr; 135 sàh, sơnah ƀòn tơnggơs tơl làm Anih duh broă Tĕ khà jat jơnau sồr dê. Jơh gùt càr geh 2 rơbô 179 tiah đùh sră mờ ală mpồl tĕ khà geh pồ tơl làm di broă lơh dê; mat ală cau tĕ khà geh lĭp mờr 2 tơlak 600 rơbô nă cau.

Đơs đơng lam, ồng Trịnh Văn Quyết sồr pơn jat tai bơsram lơh jat jrô ơnàng làm uă, lơh geh bơta ring bal uă tàm Làng bol; sơlơ tơnguh tai mblàng yal bè gơnoar, kơnòl broă làng bol dê; lơh geh ală bơta ai cau tơlik mat tĕ khà in tìp mat mờ cau tĕ khà, rcang lài niam ngan pơrjum tàm bơyai dơ̆ 3, gàr niam rơ wah geh ală cau ala mat pơn rơ jak, di pal.