Đơs tàm dơ̆ bơyai lơh, Thủ tướng đơs sùm do là broă lơh geh gơtha “kwơ màng ngan” tam gơl bơh tŭ tơngai lơh ngan ngồn gùng dà broă lơh bơh Đảng tus broă lơh lam lơh, mut lơh dùl phan ngui bơtàu tơnguh priă jền- măi mok tơngai pa tŭ do, pơgồp bơnah sơlơ tơnguh tai broă lơh brồ să bơh Dà lơgar.

Thủ tướng sồr Cíñ phủ mờ ală Ƀộ, gah broă mhar lơh sir broă lơh tam gơl pràn, dơ̆ lĕ bal di mờ jơnau sồr ală lơgar dê; di tŭ tă bơsong bơta kòl yan adat boh lam, sră pơ àr gơnoar atbồ; ai lài priă jền bơcri lơh phan bơt bơtàu sồ, priă jền tơlir; bơcri priă pràn ai lơngăp lơngai priă jền, ngui AI mờ Big Data tàm jat jền hoàc huơr. Thủ tướng sồr Anih duh broă Làng bol ƀòn dờng Hồ Chí Minh gờñ lam lơh bơt bơtàu anih tờm mờ phan bơna bơt bơtàu tơngai pa tŭ do, lơh sồ ngan ngồn 100% sră pơ àr, priă tă lơh tàm pơrlòng mờ broă lơh dong kờl tam gơl pràn, nàng kờñ gơhòi gơ jà priă bơcri, ai anih tờm gơ gơs bơta gơn kơnờm bơtàu tơnguh ngan ngồn bơh Dà lơgar dê.