VOV4.K’ho - Ngai òr (06/09), Mpồl đơng lam rơcang sơndră mờ kòp Covid-19 càr Lâm Đồng neh geh sră nggal bè broă tơn jơh broă lơh jăt broă tam cah ngài mpồl bơtiàn jăt Chỉ thị sồ 16 gơwèt mờ 2 xã ƀòn dờng Dà Làc dê tơnơ̆ mờ tŭ tiah gơtìp kòp bơh Công ty Sợi Dà làc neh geh sền gròi.

2 xã Xuân Trường mờ Trạm Hành ƀòn dờng Dà Làc pơn jăt tai lơh jăt broă tam cah ngài mpồl bơtiàn jăt chỉ thị sồ 15

Lài mờ hơ̆, càr Lâm Đồng neh gŏ 2 nă cau geh gŏ mờ kòp Covid-19 là công nhân Công ty Sợi Dà Làc tàm xã Trạm Hành, tơnơ̆ mờ hơ̆ kòp gơtờp uă tàm mpồl bơtiàn. Càr Lâm Đồng neh mhar tơlik kơrnoăt lơh jăt broă tam cah ngài mpồl bơtiàn di jăt mờ Chỉ thị sồ 16 gơwèt mờ 2 xã Xuân Trường mờ Trạm Hành ƀòn dờng Dà Làc dê, mờ tơrgùm ală bơta pràn ai broă jòi cau, rơwah cau, tam cah ngài cau, kơrian kòp gơtờp. Tơnơ̆ mờ rơlao 1 nhai lơh ngan uă broă lơh, tus tŭ do tiah kòp do neh geh kơrian, mờ jơh rơlao 150 nă cau gơrềng bal geh gŏ mờ kòp do. Kờp tus ngai òr (06/09), càr Lâm Đồng geh 258 nă cau geh gŏ mờ kòp Covid-19, tàm hơ̆ lam lài ngan là ƀòn dờng Dà Làc mờ 157 nă cau gơtìp.

Cau mblàng Ndong Brawl