VOV4.K’ho - Drim òr (27/04), Hội đồng Nhân dân (HĐND) càr Dak Nông khoă 3, tơngai lơh broă bơh nam 2016 tus 2021 neh bơyai lơh pơrjum jăt tơngu me broă lơh neh geh kĭ gùng dà bơcri priă ală rơndăp broă bơcri priă dà lơgar tơngai bơh nam 2022 tus 2025 mờ lơh jăt broă kuang bàng.

                                        Hội đồng Nhân dân càr Dak Nông pơrjum jăt tơngu me broă lơh

Tàm pơrjum, HĐND càr Dak Nông neh cri bơyai mờ ring bal gơwèt mờ ală rơndăp broă Nghị quyết kĭ gùng dà bơcri priă ală rơndăp broă bơcri priă dà lơgar tơngai bơh nam 2022 tus 2025. Jăt mờ hơ̆, kờp jơh khà priă bơcri dà lơgar tơngai do là rơlao 11 rơbô 700 tơmàn đong, uă rơlao dùl dơ̆ mờ nggùl pơn ndrờm mờ khà priă bơcri tàm tơngai lài. Kờp dŭ tàm 5 nam tus, càr Dak Nông geh bơcri rơlao 170 rơndăp boă, bơta tờm là lơh niam ală gơl gùng, broă lơh ƀòn drà; bơcri priă bơ̆t bơtàu gơnoar atbồ điện tử mờ ƀòn drà ngăc ngar...

Kung tàm pơrjum do, HĐND càr neh tơrgùm cri bơyai kơnòl tơnguh bơtàu lơh sa lòt bal mờ gàr niam rài kis lơh broă sa mpồl bơtiàn, rơcang sơndră mờ kòp gơtờp, mờ tơnguh broă atbồ phan geh is mờ sền gàr tiah kis. Ală kuang bàng kung neh ring bal jơnau yal bè broă pồ bơtơl groăt Ủy viên Ủy ban Nhân dân càr gơwèt mờ ồng Trần Văn Diêu, kuang atbồ anih lơh broă UBND càr Dak Nông.

Cau mblàng Ndong Brawl