VOV4.K’ho- Dơ\ ntàu tam lơh dờng sơnam pa sa tềp Mậu Thân nam 1968 là jơnau đơs crih jờng rơ bơta khin cha jak chài ngan kung gam mpong ntas sùm, gam sùm tàm jơnau kah yau bềng bơta pơ`ìơ să mờ chờ hờp ngan bơh jơi bơtiàn dê, neh geh lơh tơngo\ wơl tàm dơ\ bơyai lơh tơngkah kơnă dà lơgar 50 nam dơ\ Ntàu tam lơh dờng sơnam pa sa tềp Mậu Thân 1968 bềng bơta ngoh rơcang mờ dờng màng ngan tàm ngai 31/1 pa do tàm Hìu pơrjum Thống Nhất, [òn dờng Hồ Chí Minh.

Dơ\ bơyai lơh tơngkah bal mờ bơta tus bal bơh ală kuang đơng lam bồ Đảng mờ Dà lơgar lài do, ală cau sền go\ jơnau kah yau mờ mò mè Việt Nam Khin cha jak chài.

Pơgăp mờ do 50 nam, dơ\ Ntàu tam lơh dờng sơnam pa sa tềp Mậu Thân nam 1968 tàm gùl tiah drà tiah đah jum dà lơgar dê tơn là dùl jơnau lơh rơngô dờng ngan, lơh tam gơl jơh broă tam lơh bơh dơ\ tam lơh mờ bol sò tơm Mỹ dong klàs dà lơgar.

50 nam neh lòt gan mơya bơta kuơ mờ jơnau bơsram bơh dơ\ ntàu tam lơh dờng dê kung gam wơl jơh sơl, hơ\ là tơngo\ jơnau kơ\p kờ` ngan bè rài kis lơngăp lơngai, khat gơboh is mờ ring lơngai ai Dà lơgar in, là bơta pin dờn ngan tàm bơta đơng lam bơh Đảng mờ Chủ tịch Hồ Chí Minh dê, là nùs nhơm lơngăp lơngai is, lơh tờm is- bơceh pa tàm gùng dà mờ đơng lam broă tam lơh kuơmàng. Hơ\ kung là bơta pràn bơh mpồl tam klac dờng jơi bơtiàn, pơgồp bal bơta pràn jơi bơtiàn mờ bơta pràn tu\ tơngai dê, là nùs nhơm tam klac dunia dờng màng ngan.

Mờ ală rùp hin, lơma sră nggal kah yau, dơ\ bơyai lơh tơngkah neh lơh kis wơl ală tu\ tơngai dờng màng tu\ ling he ntàu tam lơh dờng sò tơm tàm ală pôs đồng kuơmàng bơh bol sò tơm dê.

Dơ\ bơyai lơh đơs crih tam ya lơh tơngo\ wơl dơ\ ntàu tam lơh dờng sơnam pa sa tềp Mậu Thân 1968

1 jiơ 45 phuk àng drim gờ` ngai 31/1/1968, di ngai 02 sa tềp Mậu Thân, cau atbồ ală mpồl ling biệt động dùl ròt bal yal kơrnoat sò tơm. Tàm dơlam [òn dờng Sài Gòn gơ rơngô jơh tài bơh săp ntas co\ pờng mờ ală bơta phàu dùl ròt cuh. Mpồl ling biệt động neh dơ\ dùl dơ\ ai geh Anih pờ tơlik jơnau đơs Sài Gòn, Bộ Tổng tham mưu Sài Gon, Gơlăng lơngăp lơngai is, Gah đơng lam mpồl ling dà lềng…

Geh mat tàm dơ\ bơyai lơh, Đại tá Trần Minh Sơn, 92 sơnam, mat tơmoh là Bảy Sơn, lài do là Phó Kuang atbồ Quân khu Sài Gòn- Chợ Lớn- Gia Định, mơkung là Tham mưu trưởng biệt động Sài Gòn, là cau atbồ du\t ndơl bơh mpồl ling biệt động Sài Gòn dê tu\ do gam ơm kis ờ gơtùi mpồn geh bơta ngoh rơngac.

Nggùl rài lòt gan mơya pah tu\ đơs tus ală cau oh mi lài do neh lòt tam lơh chơ\t kis geh bal mờ he, ồng Bảy Sơn kung gơ hòr dà mat nhìm sùm sơl. Kah wơl tu\ tơngai sò tơm tàm Gơlăng lơngăp lơngai is, ồng Bảy Sơn, yal:

A` kah mpồl ling bơh bol he dê neh bơh gùng drà Nguyễn Du tus tàm đah ma bơh Gơlăng lơngăp lơngai is do dê, tam lơh mờ dùl mpồl ling rơndeh sơgiăp, lơh 8 nă oh mi chơ\t phi să. Geh ală cau ling bơh bol a` dê rơ\p mìng pa 17 sơnam lơm, mơya rơcang chơ\t phi să mờ ờ go\ kơlôi tus dùl jơnau lơi.

Broă lơh wơl geh rơcang lài roh uă ngan tu\ jiơ, mờ niam ngan pơgồp bal chài ngan mờ bơnah lơh lèu tàm dơ\ lơh tơngkah neh lơh tơngo\ wơl rài kis duh hồl ngan bơh tiah drà [òn dờng Sài Gòn dê tàm ală ngai sa tềp Mậu Thân nam 1968 kah yau.

Hơ\ là ală rùp să cau mẹ, cau bi ùr Bàn Cờ, tê rơgai mpờl sơnuan lơm kung gam jun sră pơyua, jơm glòm ai ală cau bơsram dờng lơh broă kăc mạng in mờ ờ ngòt bơta ngòt rơngơ\t sơbong roh, ờ go\ kơlôi tus màng kis.

Ùr ơruh lòt lơh gùng jun gar phàu tùng cau sồt să. Ală ùr ơruh pa tòm 16 sơnam, ală klau pơnu ờ hềt tòm 20 sơnam, rơcang ai rài kis mờ sơnam kơnòm să he dê ai kăc mạng, ai Bác Hồ in mờ ai bồ sơnam pa bơh dà lơgar dê in.

Nàng lơh gơs Sơnam pa sa tềp Mậu Thân bềng bơta pơnrơ ngan, khin cha jak chài ngan bơh jơi bơtiàn dê, gi\t nđờ nă cau kòn lơh ngan chơ\t phi să ai Dà lơgar in pal kis gơs, ală cau kòn neh chơ\t phi să nàng sền gàr rài lơngăp lơngai khat gơboh is bơh dà lơgar dê in, ai dùl rùp să Việt Nam gơ gam sùm mờ tu\ tơngai.

Rùp să cau ling mpồl ling tơngklàs chơ\t phi să khin cha jak chài tàm gùng băng Tân Sơn Nhất nàng dà lơgar in bềng bùng bi bơkàu, duh hồl chờ hờp chờ hờn wa\ rò dùl sơnam pa sa tềp niam bơne\ lơngăp lơngai.

Dà mat geh bal jơnau `o\, ală dơ\ tam kuar kơ\ ngan bal mờ gơ\p tơnơ\ ngai tơngklàs dà lơgar bơh ală cau gam bơtuah kis rê tìp wơl cau hìu bơnhă, tìp wơl làng bol [òn lơgar. Do là ală rùp să gam wơl tàm jơnau kơlôi sơnơng bơh bi Nguyễn Võ Hữu Nghĩa, Mpồl ơruh pơnu Công ty TNHH một thành viên công ích dê:

Là rơnàng kơnòm să, bơh dơ\ bơyai lơh tơngkah do kung geh tai uă jơnau gi\t wa\ bè jơnau kah yau. Să tờm oh kung sùm bơsram lùp tai jơnau gi\t wa\ mờ lơh ngan pơđơl pràn sơrlèt gan tă pơgồp ai [òn dờng in ngai sơlơ jak chài, bơtàu tơnguh, tam gơl pa mờ tàm dong kờl bal.

Tàm nùs nhơm chờ hờp, pơ`ìơ să mờ ngoh rơngac, ồng Nguyễn Thiện Nhân, Ủy viên Bộ Chính trị, Bí thư Thành ủy [òn dờng Hồ Chí Minh đơs là, nggùl rài neh lòt gan là pơgăp tu\ tơngai tơl jo\ nàng sền sơnơng wơl, bơtòm tơrgùm mờ dùl dơ\ tai đơs ngan bơngă, bơta kuơ mờ ală jơnau bơsram kah yau jrô ơnàng bơh dơ\ ntàu tam lơh dờng dê; nàng ală rơnàng cau Việt Nam sùm sùm pơ`ìơ să mờ pin dờn, tàm pơn jat tai ală bơta kuơ dờng màng ngan bơh jơnau do dê. Ồng Nguyễn Thiện Nhân, Ủy viên Bộ Chính trị, Bí thư Thành ủy [òn dờng Hồ Chí Minh, đơs bè do:

Dơ\ ntàu tam lơh dờng sơnam pa sa tềp Mậu Thân 1968 sùm sùm là jơnau pơrya àng gơcrà sùm bơh bồ tơngoh kră kơldang bè lòs, bè lu\, bơta lơh ngan jơh nùs bơh jơh gùt Đảng, gùt ling klàng mờ gùt làng bol dê nàng ai geh bơta lơngăp lơngai is, lơh tờm is mờ tơrgùm dùl dà lơgar, lơh tam gơl mhar mờ pràn broă tam lơh.

Ồng Nguyễn Thiện Nhân, Bí thư Thành ủy [òn dờng Hồ Chí Minh đơs tàm dơ\ bơyai lơh tơngkah 

Dơ\ ntàu tam lơh dờng sơnam pa sa tềp Mậu Thân nam 1968 là bơtòm tơrgùm crih crài ngan bơta pràn jơh gùt jơi bơtiàn dê, là jơnau đơs crih jờng rơ bơta khin cha jak chài ờ tu\ lơi roh geh cih gơs bơh nùs nhơm, bồ tơngoh jak chài ngan mờ nùs nhơm rơcang lài phi să bơh ală cau ling, làng bol bàr tiah đah jum- đah tô dê, mờ jơnau kơ\p kờ` ngan geh rài kis lơngăp lơngai is jơi bơtiàn in, tơrgùm dùl dà lơgar, jơnau kơ\p kờ` ngan ring lơngai “đah tô- đah jum bơtòm tơrgùm, sơnam pa lơi chờ hờp rlau” bè jơnau kơ\p kờ` ngan bơh Bác Hồ dê./.

Cau cih mờ yal tơngi\t- Lơ Mu K’Yến