VOV4.K’ho- Mho òr (03/05), Cục cảnh sát sền gàr gùng lòt pà gĭt, tàm 4 ngai ơm rơlô 30 nhai 4 mờ ngai 01 nhai 5, gùt lơgar gơtìp 111 dơ̆ rềs àr gùng lòt, lơh chơ̆t 58 nă, gơtìp sồt să 64 nă.

Pơn drờm mờ 4 ngai ơm rơlô nam lài rềs àr gùng lòt nam do gơmù 3 jơnau kờñ bè khà dơ̆, khà cau chơ̆t mờ khà cau sồt să. Tàm 4 ngai ơm rơlô, mpồl Cảnh sát sền gàr gùng lòt gùt lơgar neh sền gròi, gŏ mờ lơh glài mờr 33 rơbô nă cau tìs mờ bơta niam ờ do ờ dă tàm gùng lòt; kŭp ing 207 nơm rơndeh ôtô, rơlao 7 rơbô nơm rơndeh Honda ală bơta; kŭp 2 rơbô 320 pang sră măi rơndeh.

Mơya, tài khà cau bal mờ rơndeh lòt tàm gùng gơguh uă tàm ờ uă gơl gùng lòt tờm, tàm hơ̆ uă ngan là ală gùng lĭk mờ mŭt tàm càr lơgar Hà Nội mờ ƀòn dờng Hồ Chí Minh, tàm tŭ gùng lòt ờ hềt di pal mờ di tŭ den tàng bŭ lah ală mpồl lơh broă geh gơnoar neh lơh ngan ai uă ngan mpồl lĭk lơh broă lơh jơh ală gùng dà broă tam pà gùng lòt, bơto sồr, tam pà gùng bơh gờñ, bơh ngài, mơya kung gam gơtìp geh ờ uă dơ̆ kòl gùng sơl.

Cau mblàng Ndong Brawl