VOV4.K’ho – Nhap nhar, jơh nùs tàm broă lơh; sùm cribơyai dong cấp ủy, gơnoar atbồ mờ Kuang àng xã git ală bơta gơlik geh tàm [òn lơgar, di tu\ bơsong ală broă bè ngap lơngai ờ do ờ dă gơlik geh bơh tàm [òn lơgar tơn… Hơ\ là nùs nhơm niam, bềng bơta jơh nùs bơh ồng A Bát dê – cau atbồ Mpồl sền gàr is ngap lơngai [òn Kon Rờ Bàng 2, xã Vinh Quang, [òn dờng Kontum, càr Kontum:

Tàm ală nam lài do, 2 [òn Kon Rờ Bàng 1 mờ Kon Rờ Bàng 2, xã Vinh Quang, [òn dờng Kontum là dùl tàm ală tiah kal ke ngan, tơr gùm uă cau tìs mờ broă lơh tìs tàm mpồl bơtiàn; bơta ơruh pơnu kơnòm pa tàu lơh tìs adat boh lam, tàm tơr gùm bal, `ô ơlak, lơh tung lơtang tus ngap lơngai ờ do ờ dă mpồl bơtìan, tam lơh tam pờng lơh gơbàn sồt să, tung kơ`au geh uă bơta gơlik geh kal ke, tràl sơbil, lơh gơbàn ờ suk tàm làng bol.

Bơh nam 2009, UBND xã Vinh Quang crơng gơs lài 2 mpồl sền gàr is ngap lơngai tàm 2 [òn kuơ màng là [òn Kon Rờ Bàng 1 mờ Kon Rờ Bàng 2. Mpồl atbồ is lơh broă jat bơta kờ` is, atbồ is, rơcang sơndră is, lơh broă jat jơnau pơrgon [òn lơgar dê mờ kơrnuat ing bơh UBND xã dê ai tơlik, tơl bơnah priă jền ai broă lơh mpồl dê ndrờm bơh làng bol tă pơgồp is. Ồng A Bát là kuang àng geh jàu kơnòl broă dờng màng lơh Kuang atbồ Mpồl atbồ is ngap lơngai ờ do ờ dă [òn Kon Rờ Bàng 2.

Bơh tu\ dờp kơnòl broă tơn, A Bát neh lam sồr ală cau tàm mpồl bal mờ gơp sơr lèt gan tơl bơta kal ke, sơr lèt gan ală bơta siơ\u siar, lơh ngan tus bal srơh mpồl atbồ is. Pah ngai, A Bát neh bal mờ Mpồl kuang àng xã, cau tàm mpồl atbồ is lam lòt tus tơl hìu nhă bơto tơngkah, lam sồr làng bol lơh jat niam gùng dà, broă lơh bơh Đảng, adat boh lam bơh dà lơgar dê, kis niam lơh àng sơdah jơnau yàng, sền gròi lơh broă, lơh sa, bơtàu tơnguh lơh sa hìu nhă…

Kuơ màng, tàm ală hìu nhă lơi geh oh kòn lơh tìs adat boh lam, A Bát ndrờm tus tàm hìu nàng lam sồr, mblàng yal, đơs loh oh kòn khi in git broă lơi geh lơh mờ ală broă lơi là tìs mờ adat boh lam, ờ di mờ bơta niam rài kis mpồl bơtìan dê, dong ală oh mhar gơ gơs cau geh kuơ ai hìu nhă mờ mpồl bơtìan in.

A Bát sùm kơp tu\ trồ mang nàng tus hìu chài rơgơi [òn dê nàng jòi git ală jơnau tơnggit, ală bơta gơlik geh bè ngap lơngai ờ do ờ dă tàm bòn lơgar; mơkung lòt sền tàm ală tiah geh pin, bơyai lơh lòt sền sền gàr ngap lơngai tàm [òn lơgar… bơh hơ\, di tu\ git go\ ală cau krơi ơm pồn tàm [òn lơgar, halà bơta ơruh pơnu kơnòm pa tàu geh tềl tơng go\ lơh tìs nàng di tu\ kơryan.

Pơn rơ ngan tàm nam 2017, A Bát bal mờ ală cau tàm mpồl neh git go\ mờ kup uă cau lơh tìs hình sự, tàm hơ\ geh 2 nă cau geh kơrnuat jòi kup ngòt rơngơt ngan ơm pồn tàm [òn; kup uă cau tung kơ`au, ai wơl uă phan bơna jàu wơl cau gơtìp kơ`au in, kờp tus git nđờ rhiang tơlak priă. Kuơ màng, neh geh 4 nă cau geh Mpồl atbồ is [òn Kon Rờ Bàng 2 dan UBND xã lơh sră nàng bơto bơtê tàm [òn lơgar; 6 nă cau geh jàu anih lơh broă geh gơnoar in lah yă mờ 1 nă cau geh tơmut tàm hìu bơsram giáo dưỡng… Yal bè broă lơh he dê, A Bát pà git:

“Bòl glar den đơs ngan là geh bòl glar, mơya broă lơh,  ală oh mi tàm mpồl kung pal lơh ngan nàng sền gàr tàm [òn mờ kờ` tàm [òn niam rlau, tàm tu\ hơ\ [òn neh pin dờn den bol a`, cau tàm mpồl atbồ is pal pơn jat tai lơh jơh kơnòl broă.”

 Mpồl atbồ is [òn Kon Rờ Bàng 2 gam bơyai lơh tơr`a bơyai gơtùi uă broă tam pìt tam phà ù tiah, tam lah tam lơh tàm [òn; tơr gùm gal cau lơh tung lơtang, tam lơh đah klau pơnu [òn do mờ [òn ndai… Bơh ngai crơng gơs tus tu\ do, Mpồl atbồ is bơh A Bát dê gam yal git nđờ rhiang jơnau tơnggit geh kuơ, dong mpồl Kuang àng xã bơsong geh cồng nha uă broă gơlik geh bè ngap lơngai ờ do ờ dă tàm [òn lơgar. Ồng A Gưch, kra [òn Kon Rờ Bàng 2, xã Vinh Quang, [òn dờng Kontum đơs:

“Làng bol bol a` iang nùs ngan bè mpồl kuang àng, UBND xã bơyai lơh ơm gak tàm trồ mang. Ngan là geh bi Bát. Geh broă lơi kờ`, hòi khai là khai tus dong mơ. Làng bol bol a` iang nùs ngan lơh broă, lơh sa.”

Ồng A Hậu - Chủ tịch UBND xã Vinh Quang, [òn dờng Kontum, càr Kontum den đơs tờm:

“Bơh tu\ ală mpồl atbồ is lơh broă den jơh ală broă geh gơ rềng tus bơta ngap lơngai ờ do ờ dă ngai sơlơ gơmù loh làng ngan. Bal mờ hơ\, mpồl atbồ is kung di tu\ dong UBND lơh niam broă lơh sền gàr ngap lơngai tàm [òn lơgar, do là bơta pràn bơh mpồl atbồ is dê.

Gơwèt mờ mpồl atbồ is [òn Kon Rờ Bàng dê geh bi A Bát, khai ờ mìng là cau atbồ [òn, mờ gam là kuang àng [òn dê, mờ là cau atbồ Mpồl atbồ is tai. A Bát là cau nhap nhar, jơh nùs ngan, là dùl tàm ală cau geh bơngă pin dờn tàm [òn Kon Rờ Bàng do. Mờ nùs nhơm lơh broă nhap nhar den jơnau đơs bi dê lơh gơs bơta tam gơl loh làng ngan tàm khà ală ơruh pơnu, kơ nòm pa tàu ờ niam.”

Jơh nùs tài broă lơh, ờ ngòt bòl glar, kal ke, ală bơta kòl yan lơh sa hìu nhă, A Bát neh lời jơh nùs nhơm ai broă lơh sền gàr ngap lơngai tàm [òn lơgar in. Tu\ do, làng bol tàm [òn kis gơ rờm bal, tam klac mờ pin dờn bal mờ gơp rlau, pơgồp bal bơta pràn bơtàu tơnguh lơh sa, lơh jat niam ală jơnau pơrgon tàm [òn ơm kis. Mờ cồng nha lơh geh, pa do, A Bát geh Bộ Kuang àng pà bằng khen neh geh cồng nha jak ngan tàm broă lơh bơt bơtàu, lơh uă broă lơh srơh gùt làng bol sền gàr ngap lơngai dà lơgar.

                                                          Cau cih mờ yal tơnggit K’Duẩn