VOV4.K’ho- Pơn jat tai dơ̆ lơh broă tàm pơrjum dơ̆ 2, Quốc hội khóa 15, drim do (29/10), Quốc hội cribơyai pờ tơn tàm internet bè Rơndap lơh Adat kă bro bảo hiểm (tam gơl). Ală kuang bàng đơs là, adat tam gơl pal ring bal bơta kuơ đah gah tac mờ gah ngui broă drơng ala bảo hiểm; gàr bơta ring bal, loh làng. Jat ală kuang bàng đơs, jơnau kờñ bơh broă blơi bảo hiểm dê là nàng kờñ bơsir wơl ală hoàc huơr, bơsong hoàc huơr tài bơh rềs àr nisơna.

Den tàng, bơdìh mờ broă sền gàr bơta kuơ mờ bơta aniai ai mpồl lơh sa kă bro bảo hiểm in, Jơnau rơcang cih Adat kă bro bảo hiểm pal sền gròi di khà gơwèt tus mờ cau blơi, cau geh kòp kuơ bơh bảo hiểm... Ală kuang bàng Quốc hội kung dan Chính phủ pơn jat tai kờp sền, drơng jơnau kờñ bơh drà kă bro bảo hiểm dê, kờp bal bảo hiểm sơnam kis jŏ kòn bơnus mờ ờ di sơnam kis jŏ kòn bơnus, bảo hiểm mờ bảo hiểm wơl. Kung tàm ngai do, Quốc hội cribơyai tàm mpồl bè: Jơnau kờp dŭ broă rơndap lơh rơndap tap sèng wơl rài lơh sa tơngai bơh nam 2021 tus nam 2025; Jơnau kờp dŭ rơndap ù tiah ngui ù dà lơgar tơngai bơh nam 2021 tus nam 2030, broă wèt sền tus nam 2050 mờ rơndap ù tiah ngui ù 5 nam, bơh nam 2021 tus nam 2025.

Cau mblàng K’Duẩn