VOV4.K’ho- Ngân hàng Bơtàu tơnguh châu Á (ADB) pa ring bal bơnah ai càn kờp priă 58 tơlak dolar Mỹ mờ bơnah dong kờl ờ tơm wơl 2 tơlak dolar Mỹ nàng tơnguh bơta pràn gơ rờm bal mờ tam gơl trồ tiah, phan bơna gùng lòt mờ ai pà dà tàm ală càr tiah kềng gah dà lềng đah jum tàm gùl lơgar bơh lơgar Việt Nam dê là Bình Định mờ Quảng Nam, kuơmàng là tàm ală kơnhoàl tiah kơh bơnơm, tiah sar lơgar ngài, tiah geh uă ƀòn làng bol jơi bơtiàn kòn cau dùl êt nă cau.

Rơndap broă bơt bơtàu phan bơna gơ rờm bal mờ tam gơl trồ tiah ai làng bol jơi bơtiàn kòn cau dùl êt nă cau in tơngai dơ̆ 1 geh lơh niam 121,8 kơi sồ gùng lòt jat ală tơl khà bơceh mòn jai kong sơndră mờ trồ tiah, lơh 115 kơi sồ gùng ding ai dà mờ dong ai pà dữ liệu pin dờn bè trồ tiah dùl bă di tŭ mờ geh cồng nha bè priă tă lơh. Kờp dŭ mờr 243 rbô nă cau, tàm hơ̆ geh 126 rbô 300 nă cau gơ wèt ală mpồl cau jơi bơtiàn kòn cau dùl êt nă cau geh dờp kuơ bơh rơndap broă.

Cau mblàng K’Duẩn