VOV4.K’ho - Agribank sơne\  càr Lâm Đồng pa pờ ala\ anih ai càn pria\ ntrờn làm ba\ tiah mờ rơndeh dờng mờng ngui tàm 2 kơnhoàl Đơn Dương mờ Di Linh. Broa\ do geh dong làng bol tàm tiah sar lơgar ngài, tiah làng bol kòn cau bươn ngan tus càn pria\, tềm pềr tơngai, pria\ lòt rê mờ nàng kơryan ngan bơta ai càn pria\ sa cồng  ua\ gam gơbàn ua\ ngan tàm [òn lơgar.

            Tàm ala\ ngai do,  làng bol tàm tiah sar lơgar ngài, tiah làng bol kòn cau di 3 xã bơh kơnhoàl Đơn Dương mờ 8 xã bơh kơnhoàl Di Linh, càr Lâm Đồng neh ờ gam pal jơh ua\ ir tơngai tai mờ pria\ jền  kờ` tus tiah tam gùl kơnhoàl nàng lơh sra\ càn pria\ mờ ngân hàng. Bơh tài ờ duh lòt ngài mờ gam geh càn pria\, la bơh tơl ala\  broa\ lơh mờ Agribank sơne\ càr Lâm Đồng drờm geh mut lơh mo tơn tus tàm [òn làng bol đang rơndeh dờng mờng ngui.

            Jat lo\ Pơ Fun Nay Fuy, kis tàm xã Ka Đơn, kơnhoàl Đơn Dương, Lâm Đồng, broa\ ngân hàng pờ anih ai càn pria\ ntrờn làm ba\ tiah đang rơndeh tơn  tàm xã neh lơh  làng  bol chờ ngan, tài bơdĩh mờ bươn ngan geh tus càn pria\, ala\ bơta lơh sra\ nggal geh lơh bươn boài, sơbac ngan:

             Ngai do a` tus anih lơh broa\ ai càn pria\  ntrờn làm ba\ tiah nàng càn pria\ mờ ngai lài a` càn,  hơ\ la a` tus ai wơl tai tơngai càn pria\. Tu\ lài a` geh tus lơh broa\ ngài rlau, tu\ do tus lơh broa\ rềp rlau, bươn boài mờ bươn lòt rê.

             Tu\ do, tàm ala\ anih lơh broa\ ai càn pria\ ntrờn làm ba\ tiah mờ rơndeh dờng mờng ngui bơh Agribank sơne\ càr Lâm Đồng geh sùm lơh tàm pơ dar tàm ala\ xã jat ai ngai du\ neh geh ai pơrgon lài. Tàm bơta mùl màl, do la dùl ngân hàng ntrờn làm tiah, jơh ala\ broa\ lơh mờ ngân hàng drờm bươn boài  geh mut lơh tàm  rơndeh dờng mờng ngui, geh internet, geh  phan định vị,  sền gròi đa năng… gàr niam  ngan tơl broa\ lơh càn pria\.

             Jat ồng Nguyễn Xuân Hoà, kuang atbồ Agribank sơne\ Lâm Đồng, tàm ala\ naih lơh broa\ càn pria\ trờn làm ba\ tiah do, làng bol geh ai tơl ala\ bơta  kuơ ngan bè pơyua tềm pềr pria\, dờp mờ pơlam lơh sra\ càn pria\, ai càn tơmut  sra\ tềm pềr, ai pria\ bơh ngân hàng,  tơm dồs, ta cồng mờ ala\ broa\ lơh tềm pềr ndai geh gơ rềng:

            Mut lơh ala\ anih lơh broa\ càn pria\ ntrờn làm tiah mờ  rơndeh dờng mờng ngui den bol a` kơp kờ` la geh lơh di pal niam ngan rlau jơh ala\ broa\ lơh drơng ơla ngân hàng jat broa\ lơh pa ngan, bơdĩh lơh di bơta kờ` càn hala pơyua pria\ làng bol in tàm ala\ xã tiah sar lơgar ngài. Bơh hơ\,  gơtùi đơs la geh tềm pềr ua\ ngan  khà pria\ kung bè tơngai  lòt rê bơh làng bol.

             Broa\ Agribank sơne\ Lâm Đồng  pờ ala\ anih lơh broa\ ai càn pria\  ntrờn làm tiah mờ rơndeh dờng  mờng ngui, ai ala\ broa\ lơh càn pria\ bơh  ngân hàng tus tiah sar lơgar ngài, tiah làng bol kòn cau ờ mìng dong bơta bươn boài nàng làng bol geh tus càn pria\, lơh lài  bơcri pria\ bơtàu tơngguh lơh sa, ngap  lơngai rài kis, mờ gam pơ gồp bal kơryan bơta cau ai càn pria\ pria\ cồng ua\ gam gơbàn ua\ ngan tàm tiah [òn lơgar.

          Cau mblàng K’ Brọp