VOV4.K’ho - Mho òr (1/6), dơ\ bơyai lơh tơng kah 45 nam ngai crơng gơs git gơp lơh broa\ bal Việt Nam-lơgar Nhờk neh geh lơh tàm hìu nac Hòang Gia Minh Trị tàm càr lơgar Tokyo, lơgar Nhờk. Dơ\ bơyai lơh tơng kah geh lơh  bơh bơta tus sền  cau Bơtau mờ pơ ùr bơtau, Chủ tịch lơgar ồng Trần Đại Quang bal mờ ala\ kuang đơng lam bồ gơnoar atbồ lơgar Nhờk, rlau 50 na\ kuang bàng  tàm Quốc hội, atbồ ala\ đảng chính trị mờ gal ngan làng bol cau Việt Nam tàm  lơgar Nhờk. Kờp bơh tu\ geh crơng gơs git gơp lơh broa\ bal 45 nam lài, Việt Nam mờ lơgar Nhờk neh lòt dùl gơl gùng jòng, geh lơh bal bơta git gơp pin dờ`, sền kuơ bal, drờm bal, geh kuơ bal. Dơ\ bơyai lơh tơng kah lơh tềl go\ gơl gùng 45 nam git gơp Việt Nam-Nhờk, lơh kơljap pin dờ` tàm rnàng àng sơdah bơh git gơp 2 lơgar.

Lài hơ\, pơn jat tai dơ\ tus còp kấp dà lơgar tàm lơgar Nhờk, Chủ tịch lơgar Trần Đại Quang neh wă Chủ tịch Ủy ban đơng lam Hạ viện lơgar Nhờk, ồng Keiji Furuya. Chủ tịch lơgar Trần Đại Quang đơs tờm, Việt Nam kơp kờ` bal mờ lơgar Nhờk ai git gơp đah 2 lơgar mut tàm tơngai bơtàu tơnguh pa tơl làm mờ ngan ngồn rlau tai, kờ` drơng bơta kuơ bơh làng bol 2 lơgar dê. Chủ tịch Hạ viện lơgar Nhờk đơs tờm, geh sơlơ tìp mat cribơyai, lơh broă bal krà` cê đah Hạ viện lơgar Nhờk mờ Quốc hội Việt Nam; ring bal mhar chul chồl broă ai mpồl nghị sĩ lơgar Nhờk tus còp lơgar Việt Nam.

Tàm dơ\ wă Chủ tịch anih lơh broă bal dunia lơgar Nhờk (JICA), ồng Shinichi Kitaoka, Chủ tịch lơgar Trần Đại Quang ưn ngài lơgar Nhờk neh dong kờl bơtàu tơnguh ai lơgar Việt Nam in tàm nđờ jơt nam do mờ đơs niam bơngă bơh JICA dê. Chủ tịch lơgar sồr JICA sơlơ pơgồp bal, nàng lơgar Nhờk pơn jat tai ai bơta dong kờl bơtàu tơnguh tàm khà uă lơgar Việt Nam in, tơr gùm tàm ală broă rơndap lơh bơt bơtàu phan bơna dờng, kuơ màng dà lơgar; ală broă rơndap lơh tàm gah công nghiệp, lơh sa suơn sre kloh niam, công nghệ cao mờ dong Việt Nam tam dră mờ tam gơl trồ tiah.

                                                                                 Cau mblàng K’ Brọp mờ K' Duẩn