VOV4.K’ho- Duh broă sùm Hội đồng Nhân dân mờ Ủy ban Nhân dân càr Gia Lai bơyai lơh Dơ̆ ai ngui Hìu Tơrñang tiah tềl lời wơl Hội đồng Nhân dân mờ Ủy ban Nhân dân kăc màng càr Gia Lai, tơngai bơh nam 1968- 1975, tàm ƀòn Tăng Lăng, xã Krong, kơnhoàl Kbang. Tiah tềl lời wơl kah yau kăc màng là anih kuơmàng tàm jơnau kah yau tam lơh kăc màng bơh càr Gia Lai dê tơngai bơh nam 1955- 1975.

Dơ̆ bơyai lơh ai ngui Hìu Tơrñang tiah tềl lời wơl

Tiah do, ală anih lơh broă lam bồ bơh càr dê neh lơh broă sùm tàm jơh gùt tŭ tơngai ală nam nhai tam lơh mờ bol sò tơm Mỹ dong klàs dà lơgar cui rơcai ngan; tàm hơ̆ geh anih lơh broă bơh Hội đồng Nhân dân kăc màng mờ Ủy ban Nhân dân kăc màng càr dê. Tơnơ̆ rlau 2 nhai lơh, Hìu Tơrñang do neh geh lơh sir gơs tàm tơngai di dơ̆ tơngkah 46 nam Ngai tơngklàs càr Gia Lai ngai 17/3. Hìu Tơrñang tiah tềl lời wơl Hội đồng Nhân dân kăc màng mờ Ủy ban Nhân dân kăc màng càr Gia Lai geh lơh tàm bă ù ơnàng rlau 1 lồ, mờ kờp jơh priă tă lơh mờr 2 tơmàn đong bơh priă hòi jà tă pơgồp bơh ală mpồl cau mờ mpồl lơh sa kă bro dê.

 Cau mblàng Lơ Mu K’Yến