VOV4.K’ho - Di tơnkah 46 nam ngai tơnklàs đah jum, dà lơgar tơrgùm bal, Tỉnh đoàn Gia Lai neh bơyai lơh broă lơh rê hờ tơngu rơyas mờ ai ngui tơrñang tềl kah yau rài lài do Đoàn ơruh pơnu làng bol kăc màng càr Gia Lai tơngai bơh nam 1962 tus 1975 tàm ƀòn Tăng Lăng (xã Krong, kơnhoàl Kbang).

               Ai ngui tơrñang tềl kah yau rài lài do Đoàn ơruh pơnu làng bol kăc màng càr Gia Lai

Tơnơ̆ mờ tŭ geh cồng nha bơh broă ntào tam lơh nam 1960, càr Gia Lai gơs là tiah tam klàs, ai geh bơta niam nàng broă ơruh pơnu, kơnòm pa tào tơnguh bơtàu pràn kơl dang. Bồ nam 1962, anih lơh broă Tỉnh đoàn geh crơng gơs nàng tơrgùm, bơto bơtê ơruh pơnu tam klăc bal ntào tam lơh mờ ling sò tơm. Gĭt nđờ rơcang kuang bàng, đoàn viên, ơruh pơnu neh phi să, ai să jan gam kơnòm phi să tàm ù tiah do, pơgồp bal mờ gùt ling klàng, gùt làng bol tơnklàs càr.

Nàng geh tai “anih pơrhê” bơto bơtê bơhiàn ờs mờng, Tỉnh đoàn neh lam sồr ală bơta pràn lơh jơnang tềl kah yau rài lài do bơh anih lơh broă Đoàn ơruh pơnu làng bol kăc màng càr Gia Lai tàm xã Krong. Broă lơh do geh lơh tàm bă ù ơnàng 2 sào, mờ kờp jơh khà priă tă lơh gơs rơlao 600 tơlăk đong.

Cau mblàng Ndong Brawl