VOV4.K’ho- Tàm Hìu lơh broă Quốc hội, ală anih lơh broă bơh Quốc hội, anih lơh broă bơh Ủy ban Thường vụ Quốc hội, Văn phòng Quốc hội bơyai lơh dơ̆ tă pơgồp bal dong kờl kes priă  rcang sơndră kòp Covid-19.

                Ală anih lơh broă Quốc hội dê tă pơgồp bal dong kờl Kes priă rcang sơndră kòp Covid-19

Tềng đap ală bơta gơlik geh kal ke bơh kòp Covid-19 dê, nàng tam pà bal bơta kal ke, sơm bat tê bal pơgồp bal dà kơl hề rcang sơndră kòp, lơh jat jơnau hòi jà bơh Ủy ban Mặt trận dà lơgar Việt Nam, geh bơta ring bal bơh Kuang đơng lam bồ Quốc hội, Văn phòng Quốc hội bơyai lơh dơ̆ tă pơgồp dong kờl Kes priă rcang sơndră kòp Covid-19.Ồng Bùi Văn Cường Tổng Thư kĭ, Chủ nhiệm Văn phòng Quốc hội pà gĭt, do là broă lơh geh kuơ dờng màng ngan; mơkung sồr jơh ală Kuang bàng Quốc hội lơh broă lơh kơnòl broă sùm tàm ală anih lơh broă bơh Quốc hội dê, ală anih lơh broă bơh Ủy ban Thừơng vụ Quốc hội mờ jơh gùt mpồl Kuang bàng, công chức, viên chức, cau lơh broă tàm Văn phòng Quốc hội lơh ngan lơh jat, tă pơgồp bal 1 ngai priă nhai rlau hơ đang. Tơnơ̆ dơ̆ tă pơgồp bal, Văn phòng Quốc hội neh pơyoa khà priă 350 tơlak đong tus Ủy ban mặt trận dà lơgar Việt Nam.

Cau mblàng K’Hạnh