VOV4.K’ho- Di tơngkah 96 nam Ngai Sră ƀăo kac màng Việt Nam (21/6), drim ngai 18/6, uă mpồl cau ala mat neh tus nting bơr gờm chờ kuang đơng lam bồ, kuang bàng, cau cih ƀăo, cau cih gơs jơnau đơs, kỹ thuật viên bơh Anih jơnau đơs Việt Nam dê. Lòt còp mờ nting bơr gờm chờ Anih jơnau đơs Việt Nam, ală mpồl cau ala mat ưn ngài bơta lơh broă bal bơh Anih jơnau đơs Việt Nam dê sùm lòt bal mờ Bộ, mpồl lơh broă, gah broă lơh mờ gơnoar atbồ ală tiah lam lơh broă mblàng yal broă lơh bơh Đảng mờ dà lơgar dê tus gal ngan cau iat rơ diô, làng bol tàm gùt lơgar, kuơmàng là làng bol tiah sar lơgar ngài, tiah làng bol jơi bơtiàn kòn cau dùl êt nă cau, tiah nhàr dà lơgar, bồt dà lềng.

Kuang đơng lam bồ Anih jơnau đơs Việt Nam đơs nền, Anih jơnau đơs Việt Nam sùm yal di, song dơpă, geh bơta ai tơlik lài gùng dà ală broă lơh sa- chính trị- mpồl bơtiàn bơh dà lơgar dê. Kuang đơng lam bồ Anih jơnau đơs Việt Nam kơp kờñ tơngai tus, ală Bộ, gah broă lơh, anih lơh broă, mpồl cau bơh dà lơgar, ală càr ƀòn dờng dê geh pơn jat tai pơgồp bal jơh nùs mờ anih jơnau đơs, drơng jơnau kờñ jơnau tơnggit bơh gal ngan làng bol dê. 

Cau mblàng K’Duẩn