VOV4.K’ho - Drim òr (14/10), Phó Thủ tướng ồng Vũ Đức Đam lơh broă mờ Bộ Văn hoá, Thể thao, Du lịch mờ Bộ Giao thông Vận tải bè gùng dà broă mŭt lơh wơl broă nhơl chờ tàm tơngai tus. Bàr broă do geh cri bơyai nền nòn ngan tàm pơrjum là rơhời pờ wơl broă nhơl chờ tàm lơgar; tơrlòng wă năc nhơl chờ dunia.

                                       Phó Thủ tướng ồng Vũ Đức Đam geh jơnau đơs tàm dơ̆ lơh broă

Phó Thủ tướng ồng Vũ Đức Đam sồr 2 Bộ gờñ geh jơnau bơto sồr kơrnoăt bè broă tus bal tàm ală dơ̆ nhơl chờ mờ nùs nhơm pờ dơ̆ nhơl chờ mhar mơya kơl jăp, gơdờp bal niam, sền gròi geh cồng nha. Tàm pơrjum, Phó Thủ tướng ồng Vũ Đức Đam đơs tờm: Bộ Văn hoá, Thể thao mờ Du lịch bal mờ Bộ Giao thông Vận tải gờñ tơlik jơnau bơto sồr, kơrnoăt geh ai bè broă tus bal tàm ală dơ̆ nhơl chờ mờ tàm broă lòt rê bơh ală dơ̆ nhơl chờ. Kuơ màng tàm ală dơ̆ nhơl chờ gơrềng tus mờ gùng rơndeh ồs, gùng rơndeh par.

Cau mblàng Ndong Brawl