VOV4.K’ho – Càr Kontum geh 6 rbô nă kơnòm dềt geh rài kis uă kal ke mờ mờr 31 rbô nă oh ndai là oh kòn ală hìu bơnhă r[ah. Sơrlèt gan rài kis kal ke, ờ bơtuah, geh uă oh tàm khà do neh lơh ngan brồ guh gơ gơs là kòn gơ lòng sồr, kơnòm bơsram jak. Lòt bal mờ ală oh ờ geh bơtuah gam geh ală oh dềt uă nam ngềt ngơt dong bơyô tàu kơ\ tàm ală mpàng jơng halà să jan kuet kơlte; geh bơta tam pà, lơh bal dong kờl bơh gùt mpồl bơtìan dê:

Sền tàm sră cih cồng nha bơsram sră jak ngan bơh oh Y Huê, kòn cau Jeh Triêng, kơnòm bơsram ơdu\ 5K1, Hìu bơsram kấp 1 Quang Trung, [òn dờng Kontum, ờ huan geh cau lơi git là oh geh rài kis nđàc sơnggit bè hơ\. Kòn đời mè bèp bơh dềt, Y Huê rê kis tàm Trung tâm sền gàr dong kờl mờ lơh broă mpồl bơtiàn càr Kontum. Rài kis siơu\ siar, ờ geh bơta kờ` gơboh bơh mè bèp dê, mơya bơ tơl wơl, oh ùr dềt do geh nùs nhơm brồ guh pràn ngan. Y Huê pà git, kờ` lơh geh cồng nha 5 nam sùm là kơnòm bơsram jak, să tờm oh neh pal lơh krà` is mờ să tờm mờ sùm lơh ngan nàng gơtùi lơh geh bơta kơp kờ`: “He pal lơh ngan bơsram jak, tài he là cau geh rài kis ờ bơtuah bè ală bơyô ndai. He là cau kòn đời, pal git sơrlèt gan tơl kal ke. Tàm hìu den ai sră pơ àr nàng bơsram. Tu\ lơi bơsram mờ geh bơyô jà lòt nhơl den ờ bài lòt. Sau geh lơh ngan bơsram jak nàng ờ lơh sơ lơu\ wơl mờ bơta kơp kờ` bơh ală cau pơgru neh ai sau mut tàm do. Sau kơp kờ` tơnơ\ do geh lơh bác sĩ nàng dong kờl tơl nă cau.”

Tàm hìu bơsram kấp 1 Phan Chu Trinh, [òn dờng Kontum, cau lơi kung git bơta đềt mềr bơh 2 nă oh ùr Lê Thuỳ Trang mờ Đặng Trà My kơnòm bơsram ơdu\ 5C. Tài gơtìp aniai bơh ờ niam tu\ deh, Trà My ờ pràn bè ală bơyô ndai. Ờ mìng broă lòt rê kal ke, 2 đah tê oh dê kung ờ gơtùi wa` jat bơta kơp kờ`. Nđàc bơyô, 5 nam sùm, Lê Thuỳ Trang den mờ pơgru geh nggui rềp nàng sền gròi mờ dong kờl Trà My in. Ală tu\ lik nhơm, tàm tu\ jơh ală bơyô ndrờm nhơl tàm [làng hìu bơsram, den Thùy Trang kung gam nggui rềp nàng bơyô in ờ huan moat jrùm: “Nàng dong bơyô sơrlèt gan kal ke tàm broă bơsram sră den oh ìa kong tàp dong bơyô in mut ơdu\ bơsram, ìa zép bơyô in, ai bơyô in sră mờ dong bơyô cih jơnau bơsram tu\ bơyô kòp jê. Bơyô gơtìp kuet kơlte den tàng ờ gơtùi lơh ală broă hơ\. Hìu bơyô dê kung kal ke den tàng oh kờ` dong bơyô.”

Geh bơyô dong kờl 5 nam sùm, cồng nha bơsram sră bơh Đặng Trà My dê jak ngan. Sền go\ nùs nhơm đềt mềr 2 nă kòn dê, bi Lê Thị Dung, mè sau Đặng Trà My dê đơs: “Ưn ngài ngan oh Trang tàm ơdu\ neh dong kờl sau uă ngan. Oh nggui rềp hơ\ sồng dong kờl tàm broă bơsram sră tàm nđờ nam bơsram pa do. Kơp kờ` sau guh ơdu\ 6 kung geh tìp bơyô niam bè hơ\ nàng dong kờl sau in tàm broă bơsram sră niam rlau.”

Pa do, ală bơkàu dềt tàm suơn bơkàu broă niam tàm càr Kontum geh tu\ bơ tòm bal tàm pơrjum jờng rơ kơnòm dềt pơn rơ jak gùt càr bơh Mpồl sền gàr, dong kờl cau kuet kơlte mờ kơnòm kòn đời càr bơyai lơh. 50 nă kơnòm kòn đời, 50 nă kơnòm kuet kơlte sơrlèt gan bơta ờ bơtiah, geh cồng nha jak ngan tàm broă bơsram sră mờ 50 nă kơnòm dềt geh cồng nha dong kờl kơnòm dềt geh rài kis kal ke geh pơn rơ jak bơh càr dê geh jờng rơ, pà khà jờng.

Ală jơnau niam bè jơnau yal yau mờ ală oh tam pà lơh tơl nă cau ngoh rơngac ngan, bè oh Y Bích mờ Y Vưn, kơnòm bơsram ơdu\ 10C8, Hìu bơsram kấp 3 Trường Chinh, [òn dờng Kontum, 10 nam sùm jun bơyô Y Julie gơtìp uă kuet kơlte bơh pa deh, ờ geh tê, ờ song ntìng gòr nggkừoi mờ gơtìp kòp plai nùs tus hìu bơsram; oh Y Bông, kòn cau Sơdàng, kơnòm bơsram ơdu\ 8A, hìu bơsram kấp 2 ơm ngai xã Đăk Rơ Nga, kơnhoàl Đăk Tô kòn đời jơh mè bèp, ờ mìng bơsram jak mờ gam tryang trỳông lơh broă nàng ròng is să tờm mờ ròng oh…Mò Vũ Thị Minh Huệ, Chủ tịch Mpồl sền gàr, dong kờl cau kuet kơlte mờ kơnòm kòn đời càr Kontum đơs: “Bol a` ngoh rơngac ngan mờ kung sền ngềr ngan ală sau. Tàm bơta kal ke bè hơ\ mờ ală sau kuet kơlte, kơnòm kòn đời gơtùi brồ guh den hơ\ là dùl pơn rơ jak nàng mpồl bơtiàn in đòm jat.”

Nàng Kontum geh ală bơkàu niam tàm suơn bơkàu broă niam, kung pal đơs tus bơta sền gròi bơh ală kấp, ală gah broă lơh, mpồl bal tàm càr, ală cau geh nùs nhơm niam tàm càr mờ bơdĩh càr. Tàm 4 nam do, rlau 14 rbô 700 dơ\ kơnòm kòn đời, kơnòm kuet kơl tê, kơ nòm dềt r[ah tàm càr neh geh lùp còp, dong kờl mờ priă, phan bơna, kờp tus rlau 16 tơmàn 700 tơlak; mờr 500 nă kơnòm dềt kuet kơlte geh dong kờl rơndeh chồl mờ tê, rơndeh coh; git nđờ rhiang nă kơnòm dềt mờ hìu bơnhă geh jàu priă dong kờl bơsram, lơh niam hìu ơm, jòi broă lơh… Do là bơta pơn jờng di tu\ nàng ală oh sơlơ pin dờn rlau tai tàm să tờm, sơrlèt gan bơta ờ bơtuah nàng brồ guh tàm broă bơsram sră mờ rài kis nàng gơ gơs là ală bơkàu niam tàm suơn bơkàu broă niam.

              Cau mblàng K’Duẩn