VOV4.K’ho- Trồ prang gam gơbàn kal ke ngan tàm tiah Tây Nguyên, lơh gi\t nđờ jơ\t rbô lồ chi tam hoàc hươr. Do kung là jơnau gơbàn wih gơbàn wơl sùm bơh ală nam do mờ geh yal lài digơlan geh gơbàn kơn jơ\ rlau tai, gơ sồr Tây Nguyên pal geh ală broă bơsong niam mờ dùl ròt bal. Lơh geh dùl bơnah lơi ală jơnau sồr hơ\, ală càr neh bơh sơnrờp đòm jăt ală broă bơceh lơh tam gơl sơrbac mhar ngan. {ồm dà guh hơđăng bơnơm, lơh sơntèk tềng hơđang jơnhoa halà bơ\t bơtơ\t tàm tơrbo\ bal là ală broă bơsong geh uă bơta gơn kơnờm.

Ntàu tềng hơđang bồ bơnơm jơnhoa ngan rlau jơh tàm sèng bơnơm Ea Pô, rềp kềng tơnau dơng dà hìu măy pờ tơlik ồs đèng Srepok 3, rềp nhàr bal mờ càr Dăk Lăk, ồng Hồ Sơn, Kuang ătbồ Phòng Nông nghiệp mờ Phát triển Nông thôn kơnhoàl Cư Jut, càr Dăk Nông sền tus hơđơm bal mờ muh măt gơlơh bè muăt jrùm mờ ai lơh pơlai soh ngan gi\t lơh, tu\ dùl đah là tơnau dà Srepok bềng lìu dà dờng ơning ơnàng, ai dùl đah là chi tam gam nhòp ro jơh. Nam do, trồ prang dờng ngan, dà tàm dà dờng, dà croh, dà căt tàm kơnhoàl jơh ală ndrờm neh soăt jơh. Bàr pe tiah, làng bol lơh ngan pơđơl pràn dong kờl tuh dà chi tam in nàng sơrlèt gan mờ trồ prang dờng mơya ờ jai, dùl ròt sươn chi neh sơnđờm gơjrùh nha, chơ\t ro.

Ntàu tềng hơđang bơnơm Ea Pô, dùl đah là tơnau dơng dà hìu măy pờ tơlik ồs đèng Srepok 3 bềng ngơr dà dờng ơning ơnàng

Tềng đăp bơta ờ gơtùi ngan hơ\, ồng Hồ Sơn sơnđờm đơs bè broă bơceh lơh “[ồm dà guh tus hơđang bơnơm” bơh kơnhoàl dê: Pa do, kơnhoàl kung geh sră yal mờ càr in sơl, kơnờm mờ càr mờ dà lơgar dong kờl [à ai ală anih [ồm dà bơh hiòng dà dờng Srepok mờ [ồm guh hơđang. Hiòng dà dờng Srepok gơ ơm bơkang tềng hơđơm jơng dùl sèng bơnơm kung jơnhoa ngan sơl, den tàng pal [ồm dà lòt gan sèng bơnơm do, mờ lơh rbòng dà nàng pơđì dà den hơ\ sồng cèng dà rê tus sươn sre hơ\ sồng gơtùi. Tuh dà ai 5 rbô lồ ù tam phan tàm 4 xã in là Nam Dong, Ea Pô, Dăk Wil mờ Dăk Drông in. Bă ù do jơh ală là tam tờm chi jo\ nam mờ tàm tiah do ờ geh dà nàng tuh phan tam in.

Jăt broă bơceh lơh bơh kơnhoàl Cư Jut dê, tu\ dà geh [ồm bơh dà dờng Srepok guh tus hơđang bơnơm, pơdơng ing tàm tơnau dà yồng geh lơh dềt ơnàng pơgăp bàr pe lồ. Bơh ală tơnau dà do, geh ală ding dà jun dà bơh hơđang bơnơm, gơ lòt jơh gùt dar, tuh tờm chi tam in, tềm pềr geh priă tă lơh mờ tơrmù geh uă ngan bơta hoàc hươr dà. Gùng dà broă lơh pà dà ai lơh sa in ndrờm bè bơta lòng ai dà ngui sa gam geh lơh tàm ală tiah drà, tiah geh gal làng bol ơm kis in sơl.

Dùl đah là dùl kơnhoàl ù tiah dờng ngan chi tam nhòp ro jơh tài bơh trồ prang dờng

Kung jăt tàm bơta nguyên lý áp lực dà tềng hơđang jơnhoa, tàm càr Dăk Lăk, càr neh ai broă bơceh lơh bơ\t bơtàu ală ding dà tuh dà động lực pơgồp bal mờ áp lực. Jăt mờ hơ\ den geh lơh ală trạm [ồm dà, [ồm dà bơh ală tơnau dơng dà tus ală sơntèk tàm ntrờ` geh lơh tàm ală anih jơnhoa ngan rlau jơh tàm tiah tuh dà, tơnơ\ hơ\ gơ lòt gơ rề lòt gan ală gùng ding dà mờ van nàng drơng lơh sa. Ồng Khuất Văn Sơn, Kuang ătbồ Phòng Broă rơndăp lơh- Tàm bơrlu\ bal, gơ wèt Mpồl ătbồ rơndăp broă lơh bơcri priă lơh gùng lòt mờ lơh broă sa sươn sre bơtàu tơngguh [òn lơgar mơkung là Phó Kuang ătbồ Rơndăp broă lơh ADB8 càr Dăk Lăk dê pà gi\t, broă lơh tuh dà do digơlan tơngguh uă cồng nha tuh dà bơh ală tơnau dơng dà dê gơguh tus 5 dơ\.

Ồng Khuất Văn Sơn, đơs: Broă lơh do cồng nha tàm 2 broă, lài ngan là drà ndờm tăc lơm jơnồr dà geh áp lực, làng bol gơtùi đòm jăt mờ ngui geh ală broă lơh tuh dà jak chài pa rài do dê, pơnyơu bè tuh dà ntờc halà tuh dà gơlơh bè dà mhual sơmprih. Ală broă lơh tuh dà hơ\ gơ dong wơl là tềm pềr geh dà. Mờ broă lơh do, den ătbồ, ngui gơguh jak, jơh ală ndrờm mờ măy mok lơm. Cau ngui gơtùi ơm nggul dùl anih ngui ală măy tính halà điện thoại kung gơtùi sơl pờ geh van dà, rơhời gi\t ngui mờ măy mok 4.0. Mờ ală tơnau dơng dà den gơtùi tơngguh geh pơgăp 5 dơ\ bă ù tuh dà tu\ do.

Gùng ding jun dà động lực pơgồp bal mờ áp lực lòt gan sươn kơphê, tiêu

Ồng Khuất Văn Sơn kung pà gi\t sơl, broă bơceh lơh sơntèk tềng hơđang jơnhoa, tuh dà động lực neh geh càr yal tàm jơau sồr lơh jăt Rơndăp broă lơh “Tơngguh uă cồng nha ngui dà ai ală càr kong gơrềng bơh trồ prang dờng dê” bơh Ngân hàng châu Á (ADB) dong kờl priă jền. Mờ bơnah priă dong kờl là 545 tơmàn đong, rơndăp broă lơh sơntèk tềng hơđang jơnhoa digơlan geh lơh tàm ală kơnhoàl, là: Krông Pach, Ea H’leo, Cư Mgar, Ea Kar. Bơh hơ\, hơ pơrgon geh ai tơl dà tuh ai pơgăp 2.600 lồ chi tam in, mìng là kơphê mờ tiêu lơm.

Kung tàm Rơndăp broă lơh “Tơngguh uă cồng nha ngui dà ai ală càr kong gơrềng tài bơh trồ prang dờng in” bơh Ngân hàng châu Á dong kờl priă jền, càr Dăk Nông neh geh jơnau sồr crăp bơtơ\t tàm tơrbo\ bal tàm dà croh Ea Diêr, kơnhoàl Cư Jut. Do là dùl jơnau kơlôi sơnơng pa, tu\ lơh den geh kờp du\ dùl bă jak chài nàng lơh gơlik ală tơnau dơng dà sùm, dơng dà kàl mìu, ngui dà tàm kàl prang. Ồng Lê Trung Kiên, Kuang ătbồ Chi cục Bơtơ\t rbòng dà càr Dăk Nông pà gi\t, rơndăp broă lơh geh kờp jơh priă tă lơh là 210 tơmàn đong, digơlan tus nam 2024, rơndăp broă lơh do geh lơh gơs 10 nơm tơnau dơng dà tàm tơrbo\ bal mờ pơgồp bơnah kuơmàng nàng hơ pơrgon ai tơl dà tuh ai 3 rbô lồ chi tam in tàm kơnhoàl Cư Jut.

 Ồng Lê Trung Kiên, đơs: Broă lơh ADB8 den càr Dăk Nông geh 2 rơndăp broă lơh dềt. Dùl rơndăp broă lơh dềt gơ ơm tàm ù tiah kơnhoàl Dăk Mil, mờ dùl rơndăp broă lơh dềt den gơ ơm tàm Cư Jut. Jăt bơta is rơmis [òn lơgar dê, rơndăp broă lơh dềt tàm kơnhoàl Cư Jut geh lơh ală bơtơ\t dơng dà, bè là 10 nơm bơtơ\t dơng dà nàng drơng dà lơh sa.

Tờm bơ 4 nam do mu\t tàm tơngai geh plai gơtìp chơ\t ro tài bơh soăt dà

Tàm tu\ tơngai tam gơl trồ tiah ngai sơlơ kal ke ngan, ro kơnra` ngai sơlơ kơn jơ\ ngan, broă tam dră mờ trồ prang dờng soăt dà tàm Tây Nguyên sơlơ gơlik gơs jal mhar ngan. Tơl hìu bơnhă dùl nơm dà tơrlung, dùl nơm măy [ồm mờ ding dà, bàr pe nơm tơnau dà dềt…gam là broă bơcri priă lơh bơtơ\t rbòng dà ờ gơtùi ngan, hoàc hươr mờ cồng nha ờ uă. {ồm dà guh hơđang bơnơm, lơh sơntèk tềng hơđang jơnhoa halà crăp bơtơ\t dơng dà tàm tơrbo\ bal, ngui ding dà ndơ\p mờ van ala ai rbòng dà mpờl, tuh dà ai gi\t nđờ rbô lồ chi tam in…là broă lơh dipal rlau jơh, dong cau lơh broă sa Tây Nguyên rcăng lài mờ lơh geh cồng nha uă rlau tàm tu\ tơngai pa.

Cau cih Công Bắc- Cau mblàng Lơ Mu K’Yến