VOV4.K’ho-  Lơh jat nùs nhơm niam “ Cau ling wa Hồ dê” ală nam pa do, kuang bàng mờ cau ling Gah đơng lam ling klàng kơnhoàl Tuy Đức, càr Dak Nông neh sơm bat tê bal mờ tiah do dong làng bol bơtàu tơnguh lơh sa, brồ guh lik klàs jơgloh r[ah. Ală broă lơh ngan ngồn bơh ală broă lơh, bè “ tơn jơh dùl hìu bơnhă jơgloh, tơrmù dùl  hìu bơnhă r[ah”, “ ling klàng sơm bat tê bal bơt bơtàu [òn lơgar pa” neh tă pơgồp bơnah lơh rùp să cau ling wa Hồ dê tàm rài lơngap lơngai ngai sơlơ rềp mềl mờ làng bol.

Hìu bơnhă ồng Tạ Văn Loan, ơm tàm thôn 4, xã Dak R’tíh, kơnhoàl Tuy Đức, càr  Dak Nông geh rài kis kal ke uă ngan. Pah ngai ồng pal lòt lơh ơpah nàng ròng hìu bơnhă, pơ ùr gơtìp kòp mờ lơng nggùl să, ờ geh tơl cau lơh broă, ală oh kòn den ờ geh broă lơh kơl jap, rài kis gơ tìp  uă ngan kal ke.

           Gah đơng lam ling klàng kơnhoàl Tuy Đức tus còp mờ pơn jờng hìu bơnhă bi Điểu Dũng

Git rài kis kal ke bơh hìu bơnhă ồng Loan dê, Gah đơng lam ling klàng kơnhoàl Tuy Đức neh tă bơh kes priă tơnguh lơh sa bơh mpồl dê mờ “ thùng phe tài cau r[ah” blơi dùl nơm kơnrồ me pà hìu bơnhă ồng Loan in ròng. Mpồl ling kung sồr kuang bàng sùm tus tàm hìu nàng pơlam lơh wàng kơnrồ, kloh niam tiah rơnrồ in ơm mờ broă ròng siam mờ sền gàr kơnrồ … tus tu\ do, kơnrồ sơntìl dờng pràn lơmă mờ gam geh bun. Mpồl lơh broă gam sùm dong kờl nàng hìu bơnhă in mhar lik klàs bơh r[ah. Ồng Tạ Văn Loan đơs:

 “ A` dan ưn ngài ală cấp geh gơnoar, đảng mờ dà lơgar dong kờl hìu bơnhă a` in kơnrồ sơntìl. Ă` mut ơm tàm do neh jo\ sơnam, mơya hìu bơnhă den gam uă ngan kal ke, pơ ùr den gơbàn kòp bơcah gùng mhàm dơngoh den kal ke uă rlau, sre brê den kung ờ geh uă, oh kòn ờ geh broă lơh kơl jap. Kơnờm ală cấp geh gơnoar mờ mpồl ling kơnhoàl ai bơta dong kờl den a` kung ưn ngài uă ngan”

 Ai bi Điểu Dũng ơm tàm [òn Bu Dâng, xã Dak R’tíh, tơnơ\ lòt ling rê ờ bơtoah gơtìp rềs àr, gơlam tus sồt să, ờ gơtùi lơh broă kơn jơ\ den rài kis tìp uă kal ke. Gah đơng lam ling klàng kơnhoàl Tuy Đức neh dùl nùs bal tă pơgồp priă jền dong kờl hìu bơnhă bi in 50 tơlak priă nàng lơh hìu cấp bốn kơ\ kơl jap.

Bơh ngai geh hìu ơm, ờ duh pal kơlôi tai tiah bic anih ơm, bi Điểu Dũng geh priă jền tai nàng bơcri bơtàu tơnguh lơh broă sa. Bơdìh mờ bơta dong kờl bè broă chài, chi sơn tìl bơh gah đơng lam ling klàng kơnhoàl Tuy Đức dê, bal mờ bơta tryang tryồng lơh broă, tu\ do hìu bơnhă bi Điểu Dũng neh tam 3 lồ kơphe tơlir niam gam tàm tơngai ai tơnhào mờ priă lơh geh kơl jap.

“ Geh oh mi tàm mpồl ling klàng dong kờl a` geh dùl nơm hìu ơm, kloh niam, a` jơh nùs ưn ngài. Bơh di tu\ lơh hìu do làng bol tàm [òn kung sền go\ hìu bơnhă a` dê lơh sa kung gơguh, bè tu\ do làng bol kung geh bàr pe nă cau jat a` lơh broă sa”

Tàm 5 nam do, Gah đơng lam ling klàng kơnhoàl Tuy Đức neh lơh 8 nơm hìu nùs nhơm, hìu cau lòt ling bal mờ pà 8 nơm kơnrồ ai ală hìu bơnhă chính sách, hìu bơnhă geh rài kis kal ke in. Mơkung lơh rlau 1000 ngai dong làng bol lơh niam gùng lòt, lơh hìu ơm, tơnhào phan tam nàng gàr niam rài kis, pơgồp bơnah bơt bơtàu [òn lơgar pa.

Đại úy Nguyễn Văn Thanh, Chính trị viên phó –Gah đơng lam ling klàng kơnhoàl  Tuy Đức dê pà g^t, lơh jat gùng dà broă lơh “ Tơn jơh dùl hìu bơnhă jơgloh, tơrmù dùl hìu bơnhă r[ah” mpồl ling neh chồl pràn mblàng yal, tơnguh bơta g^t wă tàm kuang bàng mờ cau ling. Mơkung lơh ngan pơgồp bal mờ ală tiah nàng dong kờl làng bol klàs r[ah, kơl jap rài kis, gàr niam bơta lơngap lơngai chính trị.

 “Bè broă lơh “ Tơn jơh dùl hìu bơnhă jơgloh, tơrmù dùl hìu bơnhă r[ah” Đảng ủy, Gah đơng lam ling klàng kơnhoàl dê sền do là dùl tàm ală tơngume tờm ngan pal lơh gơs niam. Lài ngan là pơgồp mờ ală anih lơh broă geh gơnoar bơh kơnhoàl mờ xã lòt sền ală hìu bơnhă gam kal ke, mờ ală hìu bơnhă cau ling tơnơ\ tu\ rê lòt ling tàm ală tiah, nàng tìp mat bơsong, pơn dờm pơn diang mờ dong kờl. Bơdìh mờ hơ\, pơgồp bal niam mờ ală tiah, ală mpồl chính trị mpồl bơtìan, mblàng yal, lam sồr làng bol lơh jat tơl gùng dà broă lơh bơh Đảng, kơrnoat boh lam dà lơgar dê.

Mờ broă lơh ngan ngồn, kuang bàng, cau ling Gah đơng lam ling klàng kơnhoàl Tuy Đức, càr Dak Nông neh ai tơngo\ niam ngan rùp să mpồl ling tam lơh, mpồl ling lơh broă, lòt bal mờ cấp ủy, gơnoar atbồ tàm [òn lơgar mờ làng bol tàm dơ\ lơh ngan dră sơr lèt gan mờ bơta jơgloh r[ah, bơt bơtàu [òn lơgar pa.

Cau mblàng K’Hạnh