VOV4.K’ho – Tơngai lài, cau kơnòm să càr Daklak neh bal mờ gơnoar atbồ tàm [òn lơgar mờ ală cau, ală mpồl dong kờl lơh uă broă lơh ơruh pơnu – lơh “Hìu kờ` gơboh kòn bơnus” nàng dong kờl ală hìu nhă geh sră dong kờl bơh dà lơgar gơtìp kal ke bè hìu ơm, dong khi geh hìu ơm kơ\ kơljap, lơh gơs bơta pràn nàng khi in pơn jat tai brồ guh bơtàu tơnguh lơh sa, gàr niam rài kis:

Tàm gùl nhai 3 do, hìu bơnhă bi H’Êm Kênh, kòn cau Rơđê, ơm tàm [òn Pôk B, thị trấn Ea Pôk, kơnhoàl Cư Mgar, càr Daklak chờ hờp ngan tu\ geh jàu hìu pa. Hìu lơh jat hìu kấp 4, rơkàng tìm mờ sơlo, bơnàng hìu lă mờ gak bơkàu, ơnàng 44 thơk vuông, kờp jơh priă lơh là 70 tơlak.

                                                            Lo\ H' Êm Kêng chờ hờp tu\ geh dờp hìu pa

Do là broă lơh ơruh pơnu “Hìu kờ` gơboh kòn bơnus” bơh Ngân hàng Agribank đah tô Daklak dong kờl, đoàn ơruh pơnu xã Ea Pôk tă pơgồp ngai lơh hìu.

Bi H’Êm Kênh pà git, tài rài kis kal ke, bơklau bi dê gơtìp sồt tềng ntìng but lơh gơtìp lơng jơh 2 đah jơng, kòn dềt gam tàm sơnam lòt bơsram, să tờm den ờ geh broă lơh, pal lòt lơh ơpah jat kàl. Hìu ơm là bơta kơp kờ` bơh jơh hìu bơnhă dê, mơya mờr 10 nam kung ờ hềt gơtùi lơh sơl. Tu\ do geh bơta dong kờl bơh đoàn ơruh pơnu mờ ngân hàng Agribank dê, hìu bơnhă bi dê geh hìu ơm pa, bi ùr chờ hờp ngan. Do là bơta pơn jờng dong hìu bơnhă bi geh rài kis tơl niam rlau:

“Rài kis hìu bơnhă a` dê sơrlèt gan uă ngan bơta bòl glar mờ siơ\u siar, bơklau den kòp jê, den tàng a` pal kơlôi rơcang jơh hìu bơnhă in. Tu\ do, geh hìu ơm pa mờ bơh jo\ hìu bơnhă kơp kờ`, a` go\ chờ hờp ngan, ờ git pal đơs bè lơi. Bơh tu\ do a` ờ gam pal kơlôi rơcang bè hìu ơm tai, ngan là tu\ mìu càl, lòt lơh broă mờ ờ suk, ngòt bơklau ơm tàm hìu ờ git pal kơlôi rơcang bè lơi. A` geh lơh ngan ròng siam oh kòn niam nàng tơnơ\ do kòn geh rài kis niam rlau.”

Kung geh dong kờl 30 tơlak priă bơh broă lơh “Hìu kờ` gơboh kòn bơnus” bơh Hội đồng đội [òn dờng Buôn Ma Thuột dê, bal mờ priă tềm pềr geh, hơ\ sồng geh bơta dong kờl bơh oh mi jơi nòi tai, bi H’Út Niê, ơm tàm [òn K’bu, xã Hoà Khánh, [òn dờng Buôn Ma Thuột neh lơh geh hìu ơm kơ\ kơljap ơnàng 60 thơk vuông.

                                                    Mẹ mờ kòn lo\ H' Út tềng đăp hìu pa lơh niam

Bi H’Út pà git, bi ùr kòn đời mè bèp bơh dềt mờ kis mờ hìu bơnhă cau mơi dê. Pơgap mờ do 8 nam, bi bau mờ deh kòn, jơh 2 nă ùr bơklau ndrờm ờ geh broă lơh, pal lòt lơh ơpah nàng ròng 2 nă kòn dềt den tàng bulah hìu ơm yau sèt `hat neh jo\, hìu bơnhă bi kung ờ khin sơnơng tus broă lơh niam wơl halà lơh pa. Tu\ do, hìu đam neh geh, ùr bơklau bi ùr sơlơ lơh ngan lơh broă, bơtàu tơnguh lơh sa: “Lài do, rài kis hìu bơnhă a` dê kal ke ngan, hìu ơm kung kal ke sơl, pah tu\ trồ mìu den `hat bềng tơn, hơ\ sồng tu\ mìu càl dờng ir den ờ khin ơm tàm hìu tài ngòt hìu tơrlah. Tu\ do, geh hìu niam, geh dong kờl bè do den a` chờ hờp ngan, bơh tu\ do hìu bơnhă iang nùs rlau, lơh ngan lơh broă nàng bơtàu tơnguh lơh sa hìu bơnhă.”

Ai go\ nùs nhơm mờ bơta pràn cau kơnòm să tàm broă tă pơgồp bơta pràn bal mờ [òn lơgar, dong kờl ală hìu bơnhă geh rài kis kal ke, tơngai lài, cau kơnòm să ală kòn cau càr Daklak neh geh uă broă lơh geh kuơ tàm broă lam sồr, tă pơgồp mờ dong kờl nàng lơh ală broă lơh ơruh pơnu – lơh “Hìu kờ` gơboh kòn bơnus” ai ală hìu nhă geh sră dong kờl bơh dà lơgar, ơruh pơnu lam lài lài mờ kơnòm dềt geh rài kis kal ke.

                                                Dơ\ pơrjum bơyai lơh jào hìu dong kờl

Mờ uă broă lơh ngan ngồn bè: tă pơgồp 1 ngai priă nhai tus mờ đoàn viên ơruh pơnu là công chức, viên chức; lam lơh mờ tac phan kir sơnrai, tac [au\ nàng tă pơgồp tàm kes priă; hòi jà dong kờl ngai lơh broă nàng lơh hìu. Tàm nam 2017, ală kơnă càr Daklak neh lơh mờ jàu geh 38 nơm hìu nùs nhơm, mờ priă mut lơh mờr 2 tơmàn priă.

Bi Y Nhuân Byă, Bí thư Tỉnh đoàn Daklak pà git, brồ guh ală cồng nha neh lơh geh, tàm nam do, cau kơnòm să càr Daklak pơn jat tai lòt bal mờ gơnoar atbồ tàm [òn lơgar, lơh ală broă lơh gàr tơl niam rài kis mpồl bơtìan, dong kờl lơh tai uă hìu nùs nhơm dong ală hìu bơnhă kal ke. Kuơ màng, tàm dơ\ lơh broă uă “Nhai ơruh pơnu” nam do, bal mờ ală broă lơh kah kơlôi hờ [òn lơgar, Tỉnh đoàn Daklak kung hòi jà lơh mờ jàu 5 nơm hìu nùs nhơm ai ală hìu bơnhă gơtìp kal ke bè hìu ơm tàm càr in: “Lam lơh hìu nùs nhơm den priă lơh dùl êt lơm, tơl nơm hìu mìng bơh 50 tus 70 tơlak priă, dilah mìng ngui priă hơ\ nàng lơh den ờ gơtùi lơh hìu niam, den tàng broă lơh bơh đoàn dê là ơruh pơnu tàm [òn lơgar geh dong kờl ngai lơh hìu nàng dong hìu bơnhă, hòi jà tai ală đoàn tàm [òn lơgar, tiah mờ he lam lơh; hòi jà tai ală đoàn ơruh pơnu tàm [òn lơgar dilah ờ geh priă jền den dong kờl ngai lơh hìu nàng lơh bè lơi priă jền gơmù tàm broă ơpah cau lơh, tơnguh tai ơnàng hìu ơm mờ bơta niam hìu dê.”

Mờ ală broă lơh ngan ngồn, cau kơnòm să càr Daklak gam pơgồp bơnah uă ngan bal mờ [òn lơgar dong kờl nàng ngai sơlơ geh uă tai hìu bơnhă kal ke bè hìu ơm geh hìu đam kơ\ kơljap. Do là broă lơh geh kuơ ngan ngồn kờ` chồl pràn srơh lơh broă dong kờl is tài rài kis mpồl bơtìan, bơh hơ\, pơn jờng ală hìu bơnhă geh rài kis kal ke pơn jat tai brồ guh bơtàu tơnguh lơh sa, gàr niam rài kis.

                                                                    Cau cih mờ yal tơnggit K’Duẩn