VOV4.K’ho- Ngai òr 15/11, càr Dak Nông bơyai lơh Pơrjum dờng Tàm pơrlòng jơh nùs mu\t lơh jai pha dơ\ III mờ tơngume “Tam klac- bơceh pa- tàm pơrlòng- jơh nùs mu\t lơh jai pha” tàm mpồl ling klàng càr Dak Nông dê pơn jat tai geh lam lơh làm uă, jrô ơnàng, tơnguh uă bơta niam tơrgùm bal, bồ tơngoh jak, bơta pràn rơcang tam lơh.

Broă lơh pơlam tàp rơcang tam lơh sùm geh tam gơl pa bè tơngume, broă lơh, gùng dà, dipal mờ bơta geh ngan mờ kơnòl bơh tơl mpồl ling dê. Ală mpồl ling neh pơgồp bal pơlam tàp mờ tàp lơh jat adat boh lam, bơta kơ\ nùs mờ tàp tơrgùm bal tam lơh, bơsong ală jơnau digơlan gơlik geh, rơhời lơh gơs gùng dà tam lơh.

Mpồl ling klàng càr lơh jat bơhiàn tam klac rềp mềl bè cau pròc mhàm tơm đah ling klàng mờ làng bol bơh uă broă lơh geh kuơ, cồng nha, dong làng bol lơh pa mờ lơh niam wơl rlau 400 kơi sồ gùng lòt tàm [òn, rbòng dà, tơnhàu phan tam; dong kờl 45 hìu klàs r[ah; tus bal bơ\t bơtàu 10 xã geh tơl khà [òn lơgar pa…

Drim òr (15/11), mpồl ling càr Dak Lak bơyai lơh pơrjum dờng pơrlòng geh cồng nha dơ\ 26. 5 nam do, broă pơrlòng lơh geh cồng nha bơh mpồl ling càr Dak Lak sùm geh bal mờ broă pơrlòng kờ` gơboh mờ dà lơgar, gơs broă lơh kăc màng uă, pơgồp bal mùl màl tàm broă bơ\t bơtàu broă gùt làng bol pơgồp bal mờ broă sền gàr bơta lơngăp lơngai làng bol kơl jăp tàm rài pa.

Geh pơnrơ ngan tàm broă pơrlòng lơh geh cồng nha tàm càr Dak Lak là neh tus bal broă bơ\t bơtàu [òn lơgar pa tàm càr do dê. Mpồl ling càr do neh lơh pa 68 kơi sồ gùng lòt tàm [òn, bơyai lơh toah wàs rơlao 75 kơi sồ rơbòng dà, pà 44 nơm kơnrồ ai ală hìu rơ[ah mờ kờp jơh khà rơlao 4 tơmàn 400 tơlăk priă.

Bơdìh hơ\ tai, gam bơyai lơh uă dơ\ dong kờl làng bol gơbàn rềs àr, bơyai lơh kham mờ pà sơnơm ờ sa priă ai rơlao 3 rơbô nă, pà mờr 1 rơbô 500 pò phan tàm ală dơ\ kuơ màng, satềp.

Cau mblàng Lơ Mu K’Yến