VOV4.K’ho - Ngai òr (19/4), tàm càr Dak Lak, Bộ Nông nghiệp mờ Phát triển Nông thôn bơyai lơh pơrjum tơn jơh broă lơh sa kàl prang nam 2017-2018; lơh jăt rơndăp broă lơh sa kàl mìu, kàl lơh sa nam 2018 tàm ală càr jăt gah dà lềng đah jum tàm gùl lơgar mờ Tây Nguyên.

Lơh sa kàl prang 2017-2018 tiah jăt gah dà lềng đah jum tàm gùl lơgar mờ Tây Nguyên neh sih tam rơlao 320 rơbô lồ, gơguh rơlao 4 rơbô lồ jăt mờ kàl lài, cồng nha geh rơlao 63 tạ tàm 1 lồ, khà geh di gơlan rơlao 2 tơlăk tấn, gơguh 60 rơbô tấn jăt mờ lơh sa kàl prang nam 2016-2017.

Gơwèt mờ phan tam jo\ tơngai mờ tòm chi sa plai kung geh uă bơta niam. Drà tăc bal mờ khà priă tăc phan ờ uă bơta tòm chi sa plai, phan tam tòm bè: kơphe, thanh long, [ơ, sầu riêng, gar điều gam tàm khà uă…

Đơs tàm pơrjum, kuang bàng đơng lam Bộ Nông nghiệp mờ Phát triển Nông thôn pà g^t, rơndăp broă lơh nam do, gùt tiah jăt gah dà lềng đah jum tàm gùl lơgar mờ Tây Nguyên geh sih tam di pơgăp 770 rơbô lồ kòi sre.

Ală càr pal kah kàl lơh sa pơgồp bal mờ atbồ niam dà tuh, chồl pràn broă ngui ală sơntìl ờ jo\ ngai geh cồng nha uă, bơta niam uă mờ ngui kỹ thuật tàm broă sih tam niam, toah wàs rơbòng dà, lơh niam wơl ală broă lơh bơtơ\t rơbòng dà kờ` sơndră mờ gơbam dà.

Gơwèt mờ phan tam jo\ tơngai, ală càr pal sền wơl khà rơndăp ù tiah, sền wơl broă lơh sa, tơrgùm bơcri priă tàm broă sơnka sền gàr, pơgồp bal broă lơh sa, tơnguh bơta niam phan geh lơh bơh broă lơh sa suơn sre, tàm hơ\ uă ngan là kơphe mờ tiêu.

Cau cih mờ yal tơng^t Ndong Brawl