VOV4.K’ho - Drim òr (28/2), càr Kon Tum neh bơyai lơh tơnkah 60 nam ngai bơhiàn mpồl ling sền gàr tiah nhàr dà lơgar (03/3/1959- 03/3/2019)  mờ 30 nam ngai gùt làng bol sền gàr tiah nhàr dà lơgar (03/3/1989- 03/3/2019).

Ală kuang bàng neh yal wơl bơhiàn jăk chài 60 nam bơ\t bơtàu, gơs dờng pràn bơh mpồl Kuang àng làng bol, tu\ do là cau ling sền gàr tiah nhàr dà lơgar.

Tơnguh bơhiàn jăk chài bơh mpồl ling dê, cau ling sền gàr tiah nhàr dà lơgar càr Kon Tum neh lơh gơs jăk chài kơnòl atbồ, sền gàr gơnoar ù tiah gơl nhàr dà lơgar jòng rơlao 292 kơi sồ rềp mờ bàr lơgar Lào mờ Campuchia.

Cồng nha geh pơnrơ ngan bơh mpồl ling sền gàr tiah nhàr dà lơgar càr Kon Tum là sơndră mờ mpồl dră wơl Pôn Pốt Yêngxary; kơrian tiă gan nhàr dà lơgar, jòi gơsơ\t FURO; kơrian geh cồng nha uă tìs dờng, ku\p geh 15 rơbô 800 nai ma tuý tổng hợp, rơlao 40 mpờng heroin…

Sền gàr kơl jăp gơnoar ù tiah, bơta lơngăp lơngai tiah nhàr dà lơgar, mpồl ling sền gàr tiah nhàr dà lơgar càr Kon Tum gam pơgồp bal bơta phan bal mờ phan bơna dong kờl làng bol tàm 13 xã tiah nhàr dà lơgar tơnguh bơtàu lơh sa mpồl bơtiàn, tơnguh uă rài kis.

Càr Dăk Nông bơyai lơh dơ\ tìp mat kah wơl bơhiàn pơnrơ ngan bơh mpồl ling sền gàr tiah nhàr lơgar dê tàm 60 nam do.

Ală nam do, mpồl ling sền gàr tiah nhàr lơgar càr Dăk Nông neh sền gàr kơ\ kơl jăp gơnoar tờm ù tiah lơngăp lơngai tiah nhàr lơgar; bơ\t bơtàu tiah nhàr lơgar pràn kơldang kơ\ kơl jăp.

Ală mpồl ling sền gàr tiah nhàr lơgar lơh jat niam broă lơh lam sồr làng bol, bơ\t bơtàu kơ\ kơl jăp anih lơh broă chính trị, ai kuang bàng rê lơh broă tàm ală xã tiah nhàr lơgar, đảng viên tus bal pơrjum mờ chi bộ thôn, [òn mờ dờp kơnòl dong kờl ală hìu bơnhă r[ah.

 Uă broă lơh, broă dong kờl làng bol gơcèng wơl cồng nha uă ngan, bè: dong kờl kơnrồ sơntìl ai cau r[ah tiah nhàr lơgar in, lơh Hìu tiah nhàr lơgar, jàu priă dong kờl bơsram “Dong oh lòt bơsram”, Lòt bal mờ cau ùr tiah nhàr lơgar…

Bal mờ kơnòl sền gàr kơl jăp 73 kơi sồ gùng nhàr dà lơgar rềp mờ lơgar Campuchia, cau ling sền gàr tiah nhàr dà lơgar càr Dak lak neh pơgồp bal kuơ màng tàm broă tơnguh bơtàu lơh sa mpồl bơtiàn càr dê.

Jơnau đơs di tơnkah geh đơs loh, tơnguh bơhiàn jăk chài bơh cau ling sền gàr tiah nhàr dà lơgar, mpồl ling sền gàr tiah nhàr dà lơgar càr Dak lak sùm là mpồl tòm tàm broă sền gàr tiah nhàr dà lơgar, là anih kơl dìng pin dờn, kơl jăp ai cấp ủy, gơnoar atbồ càr bal mờ làng bol ală kòn cau tàm tiah nhàr dà lơgar, tàm broă bơ\t bơtàu tiah nhàr dà lơgar ring lơngai, g^t gơ\p, ring niam mờ tơnguh bơtàu bal mờ lơgar Campuchia.

Kuang bàng, cau ling sền gàr tiah nhàr dà lơgar càr Dak lak neh pơlam mờ cấp uỷ, gơnoar atbồ 4 xã, gơwèt 2 kơnhoàl tiah nhàr dà lơgar tơnguh bơtàu lơh sa mpồl bơtiàn, tơnguh uă rài kis làng bol ală kòn cau; pơgồp bal nền nòn mờ ală mpồl lơh niam broă sơndră, tam dră mờ ală bta tìs, bơ\t bơtàu broă gùt làng bol sền gàr tiah nhàr dà lơgar.

Cau mblàng Lơmu K' Yến