VOV4.K’ho – Bal mờ gùt lơgar, ngai òr (05/3), càr Gia Lai kung chờ hờp ngai jàu dờp ling tàm 1 ală kơnhoàl, thị xã. Nam do, gùt càr Gia Lai geh 2 rơbô 200 nă klao pơnu lòt ling, tàm hơ\ geh rơlao nggùl là klao pơnu kòn cau.

Tơngăc mờ hìu nhă, Kpuih Mlớt, kòn cau Jarai, ơm tàm [òn A, xã Gào, [òn dờng Pleiku, lòt ling tàm Sư đoàn 10, Quân đoàn 3 đơs bơta lơh ngan bi dê: “Ngai do oh lòt ling, oh go\ gơlơh pơnyờ să ngan, geh drơng broă dà lơgar in. Bu\ lah pal ơm ngài mờ gơp bơyô, mè bèp, oh mi, kung moat jrùng ngan, mơya oh geh lơh ngan là 1 nă cau ling niam, lơh niam kơnòl tàm mpồl ling làng bol Việt Nam.”

Jơh 10 kơnhoàl, [òn dờng càr Kon Tum kung neh bơyai lơh jào ling nam 2018. Tàm dơ\ rơwah ling nam do, càr Kon Tum geh 800 nă cau ling pa.

Bal mờ broă jào ling geh bơyai lơh niam, ală kơnhoàl tàm càr Kon Tum kung neh lơh jăt nền nòn ală broă lơh, bè còp să, pà phan, bơyai lơh tìp măt, tàm tơngăc… dong kờl ală cau ling pa go\ kơnòl mờ nùs nhơm pơn yờ să mờ bơhiàn ling klàng làng bol Việt Nam dê, lơh ngan lơh gơs jăk chài kơnòl.

Ală tiah tàm càr Dak Nông neh 1 ròt bơyai lơh tơngac rơlao 800 nă klao pơnu lòt gùng lơh kơnòl sền gàr dà lơgar. Dơ\ jàu ling tàm ală kơnhoàl, thị xã geh lơh tàm nùs nhơm niam ngan, mhar.

Nam do, broă rơwah ling klàng bơh càr Dak Nông dê niam ngan, gàr tơl khà, pràn kơl dang mờ chài bơsram sră cau ling pa dê. Ală klao pơnu càr geh lơh kơnòl ling klàng tàm Quân đoàn 3 gơwèt Bộ Quốc phòng, Gah đơng lam ling klàng càr, Mpồl ling sền gàr tiah nhàr dà lơgar càr mờ Kuang àng càr.

Nam do, càr Dak Lak geh jào rơwah 2 rơbô 450 nă cau lòt ling. Jơh 15 kơnhoàl, thị xã bal mờ [òn dờng Buôn Ma Thuột neh ndrờm bơyai lơh dờp ling tàm nùs nhơm niam bơne\, mhar niam, ờ do ờ dă.

Gùt càr neh jào tơl ai ală mpồl ling in dờp, tàm hơ\ geh: Quân khu 5, Quân đoàn 3, Mpồl ling sền gàr tiah nhàr dà lơgar càr mờ Trung đoàn 584 Dak Lak.

Cau cih mờ yal tơng^t Ndong Brawl – K’ Duẩn