VOV4.K’ho - Mpồl kuang bàng lơh broă càr Dak Nông neh tus còp mờ chờ gờm mpồl y, bác sĩ, cau lơh broă gah lơh sơnơm tàm ală hìu sơnơm: Hìu sơnơm Kuang àng càr, hìu sơnơm ling klàng mờ làng bol gơwèt mpồl đơng lam ling klàng càr, hìu sơnơm mpồl ling sền gàr tiah nhàr dà lơgar càr, hìu sơnơm càr Dak Nông mờ Mpồl drơng gàr bơta pràn kơl dang să jan kuang bàng.

           Kuang bàng đơng lam càr Dak Nông tus còp mờ chờ gờm mpồl y, bác sĩ lơh broă tàm hìu sơnơm càr

Tàm ală anih tus còp, mpồl kuang bàng neh còp să, pà phan mờ chờ gờm mpồl y, bác sĩ bal mờ cau lơh broă gah lơh sơnơm. Mpồl kuang bàng kung kơ\p kờ` tàm tơngai tus, tơnguh nùs nhơm geh kơnòl, mpồl kuang bàng, cau lơh broă gah lơh sơnơm ală hìu sơnơm pơn jăt tai bơsong ală kal ke, tam klăc mờ lơh ngan bơsram tàp bơta niam, jăk broă lơh, geh uă bơta niam tàm broă lơh kờ` drơng gàr bơta pràn kơl dang să jan ai cau ling mờ làng bol in.

Kuang bàng đơng lam càr Dak Nông còp mờ chờ gờm mpồl y, bác sĩ tàm hìu sơnơm ling klàng làng bol gơwèt mpồl đơng lam ling klàng càr

Di tàm dơ\ do, kuang bàng đơng lam càr Dak Nông neh tus còp mờ jào ală bơta phan, phan ngui geh kuơ bè tùh cấp đông, glah, phan đơ phan lơh broă… ai hìu tru\ sa nùs nhơm hìu sơnơm kơnhoàl Dak Glong in mờ kờp jơh di pơgăp 16 tơlăk priă.

Kuang đơng lam càr Gia Lai neh tus còp mờ gờm chờ tus ală kuang đơng lam, kuang bàng, cau lơh broă tàm Sở Y tế, Hìu sơnơm Y học cổ truyển càr, hìu bơsram Trung cấp y tế Gia Lai, hìu sơnơm càr mờ hìu sơnơm Đại học Y dược – Hoàng Anh Gia Lai.

                               Kuang bàng đơng lam càr Gia Lai jào bơkào chờ gờm Sở Y tế càr

Tàm ală anih tus còp, kuang đơng lam càr Gia Lai đơs niam ală cồng nha lơh geh bơh Gah lơh sơnơm dê tàm nam pa do. Kuang đơng lam càr Gia Lai kơ\p kờ` là gah lơh sơnơm pơn jat brồ guh uă ală cồng nha neh lơh geh tàm tơngai lài, mờ kung lơh ngan lơh niam ală bơta lơi ờ hềt gơtùi lơh geh, lơh jơh niam ală kơnòl broă dờng màng.

Kuang bàng càr Kon Tum neh tus còp, chờ gờm mpồl y, bác sĩ tàm Sở Y tế, mpồl drơng gàr bơta pràn kơl dang să jan càr. Kuang bàng đơng lam càr Kon Tum sồr, mpồl y, bác sĩ càr tơnguh bơhiàn bơh ală rài cau lơh sơnơm lài do dê, gàr niam nùs nhơm tam klăc bal, lơh ngan tơnguh bơta ngăc ngar tàm broă lơh, geh sùm nùs nhơm niam, bơta niam tàm broă kham, sơm kòp, mờ lơh niam broă sơndră mờ kòp.

       Kuang bàng đơng lam càr Kon Tum jào bơkào chờ gờm mpồl drơng gàr bơta pràn kơl dang să jan kuang bàng càr

Tàm hơ\ sền kuơ broă tơnguh bơtàu broă lơh, ai cau kòp lơh tòm, wèt tus broă di pal bơh cau kòp dê mờ pơn jăt tai tam gơl pa broă atbồ tàm ală bơta broă lơh, kờ` di pal mờ ngai sơlơ geh uă broă drơng gàr bơta pràn kơl dang să jan làng bol in.

Sở Y tế Lâm Đồng bơyai lơh cri bơyai “Tơnguh niam cồng nha broă lơh Y tế - Dân số wèt tus bơta niam nùs bơh làng bol dê”. Ală kuang bàng neh sền wơl 10 jơnau bơh gah lơh sơnơm Lâm Đồng dê tàm nam 2017 mờ 10 kơnòl kuơ màng nam 2018; jơnau yal tơnguh niam cồng nha broă lơh Y tế - Dân số wèt tus bơta niam nùs bơh làng bol dê”.

                                Sở Y tế càr Lâm Đồng pà phan ală cau lơh sơnơm jăk chài in

Mờ kung cri bơyai bè tơnguh bơta niam kham sơm kòp bơh hìu sơnơm càr Lâm Đồng dê; broă lơh rơcang sơndră kòp gơtờp nam 2017 bơh Trung tâm Y tế dự phòng dê; broă lơh jat rơndăp broă kham rơwah lài mờ tu\ deh mờ kòn se pa deh tơnguh uă bơta niam khà kờp làng bol; bơta bơtàu tơnguh bơh Công ty Cổ phần Dược Lâm Đồng dê…

Cau cih mờ yal tơng^t Ndong Brawl – K’ Duẩn