VOV4.K’ho- Ngai do (05/9), bal mờ gùt lơgar, ală càr Tây Nguyên dùl ròt bơyai lơh Dơ\ sơnđờm mu\t nam bơsram pa, mờ bơnah “Lơh tơngkah” mờ “Lơh chờ”. Mìng is kấp mầm non bơyai lơh sơnđờm mu\t nam bơsram pa bơh broă lơh “Ngai chờ lòt bơsram bơh oh dê”.

Bơnah “Lơh tơngkah” geh lơh lơyah dùl êt gời, jak chài kờ` lời tu\ jiơ ai bơnah “Lơh chờ” in, lơh geh nùs nhơm niam bơne\ nàng kơ nòm bơsram in mu\t tàm nam bơsram pa. Tàm càr Gia Lai, 745 hìu bơsram mờ mờr 400 rbô nă kơnòm bơsram ală kấp neh mu\t tàm poh bơsram ngan ngồn bơh sơnrờp.

Tàm tiah kòn cau, broă lơh hòi jà kơnòm lòt bơsram pơn jat tai geh sền dờng màng ngan. Gơ wèt mờ kấp hai mờ kấp ba, càr Gia Lai neh bơyai lơh tàm pơdar, tàm ntrờ` rlau 50 nă cau pơgru đah ală hìu bơsram jơngkah mờ ờ tơl nàng kờ` geh tơl cau pơgru bơto kơnòm jat di jơnau ai.

Nam bơsram pa, gùt càr Kon tum geh 537 hìu bơsram, gơguh 1 hìu bơsram mầm non tư thục mờ gơguh 7 trung tâm bơsram mpồl bơtìan pơn drờm mờ nam bơsram lài. Gùt gah bơto bơsram geh bơcri lơh pa 128 cơl du\ bơsram, 237 hìu jă brê, lơh pa 64 ding dà sàng kloh mờ ală cơldu\ lơh broă geh gơnoar ndai mờ khà priă mờr 140 tơmàn.

 Mut tàm nam bơsram pa, 100% khà kơnòm bơsram hìu bơnhă r[ah geh dong kờl priă bơsram nàng blơi sră ma\y, sră cih, gai cih mờ phan ngui bơsram. Gơ wèt mờ kơnòm bơsram kòn cau ờ gơ wèt tàm khà hìu bơnhă r[ah, ală hìu bơsram neh rcang lài hòi jà ală hìu bơsram tàm tiah ờ kal ke, Hội Khuyến học, mpồl lơh sa kă bro dong kờl sră ma\y, sră cih nàng dong ală kơnòm bơsram in.

Tus tu\ do, jơh gùt càr Dak Nông geh 50 tàm 148 hìu bơsram kấp một geh tơl khà dà lơgar. Jơnau kờ` mờ gah bơto bơtê dê ai là pah nam gơguh tai 3 hìu bơsram geh tơl khà dà lơgar. Tus nam 2020, jơh gùt càr Dak Nông lơh ngan geh êt ngan kung là bơh 50% hìu bơsram kấp một tàm 7 xã tiah nhàr lơgar mờ 100% hìu bơsram kấp một gơ wèt 20 xã bơ\t bơtàu [òn lơgar pa geh tơl khà dà lơgar…

Bơdìh mờ kes priă dà lơgar dê, Dak Nông lơh pràn mpồl bơtiàn lơh bal, hòi jà bơta lơh bal bơh mpồl bơtiàn, mè bèp kơnòm bơsram mờ ală mpồl cau geh nùs nhơm niam dê nàng ală hìu bơsram, cơldu\ bơsram ngai sơlơ niam bơne\, kơ\ kơl jăp, sàng goh rlau, mơkung sền dờng màng tơnguh cồng nha bơto bơtê.

Di dơ\ mut nam bơsram pa, tàm [òn dờng Dà Làc, càr Lâm Đồng, bơyai lơh “Khoa học mờ bơto bơsram tìp mat Việt Nam” neh pà 179 bơnah priă dong kờl bơsram Vallet ai kơnòm bơsram, cau bơsram dờng jak ngan tàm ală càr Tây Nguyên mờ 2 càr Khánh Hoà, Ninh Thuận.

Ngan ngồn neh pà 25 bơnah priă dong kờl bơsram ai cau bơsram dờng ală hìu bơsram: Đại học Tây Nguyên, Đại học Nha Trang, Đại học Dà Làc mờ bàr pe nă cau bơsram dờng càr Lâm Đồng dê gam bơsram tàm [òn dờng Hồ Chí Minh, tơl bơnah phan pà geh 17 tơlak priă, 154 bơnah ai kơnòm bơsram tàm ală hìu bơsram cấp ba ală càr Tây Nguyên mờ 2 càr Khánh Hoà, Ninh Thuận, tơl bơnah geh 10 tơlak priă. Kờp jơh khà priă dơ\ pà priă bơsram tàm Dàlàc mờr 2 tơmàn priă.

Geh g^t, nam do, broă lơh priă dong kờl bơsram Vallet pà 2.200 bơnah priă bơsram ai kơnòm bơsram mờ cau bơsram dờng jak ngan in tàm gùt lơgar mờ kơnòm tàm [òn SOS Việt Nam mờ kờp jơh khà priă là 25 tơmàn.

Cau mblàng Lơ Mu K’Yến mờ K’Hạnh